Грамадства

Заслаўскага дэпутата пачынаюць судзіць за «фінансаванне тэрарызму». Яму пагражае да 15 гадоў турмы

Яшчэ паўгода таму ён ездзіў з Беларусі ў Еўропу. Але неўзабаве пасля гэтага яго затрымалі. Неўзабаве пачнецца суд.

Андрэю Брэмшміту 38 гадоў. Ён мінчук. Да затрымання быў дырэктарам будаўнічай кампаніі «Альфабудснаб».

Таксама мужчына быў мясцовым дэпутатам у Заслаўі, дзе была зарэгістраваная ягоная фірма. І нават быў у выбарчай камісіі на парламенцкіх выбарах у 2019-м.

Мужчына вядомы ў колах так званых алкамінімалістаў — гэта людзі, якія калекцыянуюць міні-бутэлькі ад алкаголю аб'ёмам да 50 мілілітраў. Таксама ён удзельнічаў у сходах калекцыянераў у розных краінах.

Апошняе, што пра яго вядома — мужчына ў канцы мая 2023-га ездзіў у Літву. У чатах ён расказваў, за які час прайшоў мяжу і што хутка збіраецца вяртацца ў Беларусь.

Андрэй — чалавек непублічны і не вядзе сацсетак, прынамсі, пад сваім імем. А ў сеціве зусім няшмат ягоных фота.

Імаверна, неўзабаве яго затрымалі. Яго вінавацяць у «фінансаванні тэрарыстычнай дзейнасці» і «фінансаванне дзейнасці экстрэмісцкага фарміравання». За гэта яму пагражае да 15 гадоў турмы.

Па нашых звестках, ён не адзіны, хто апошнім часам патрапіў пад пераслед па гэтым артыкуле. Прынамсі пра некаторых людзей вядома, што яны ахвяравалі крыптавалюту і іх яшчэ чакае суд.

Мы падрабязна пісалі пра тое, як дэананімізуць тых, хто ахвяруе крыптавалюты. Калі спрасціць — праз ненадзейныя біржы або прыватных «перакупаў», а таксама публікацыю ўласных рэквізітаў у іншых крыніцах.

Калі вы ахвяравалі на ініцыятывы, прызнаныя «тэрарыстычнымі» або «экстрэмісцкімі» і не прымалі складаных захадаў, каб супрацьстаяць вашай дэананімізацыі, то вас можа чакаць крымінальны пераслед. Важна ўлічваць гэтую рызыку, асабліва калі вы падумваеце пра вяртанне ў Беларусь.

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін7

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць