Свет

Пашынян: Армію немагчыма развіваць у супрацоўніцтве з РФ

Расія больш не можа быць асноўным ваенным партнёрам Арменіі, «як па аб'ектыўных, так і па суб'ектыўных прычынах», — заявіў прэм'ер-міністр Нікол Пашынян.

Нікол Пашынян. Фота: Mikhail Metzel, Sputnik, Kremlin Pool Photo via AP

Ерэван шукае новых партнёраў для вайскова-тэхнічнага супрацоўніцтва, бо не можа яго рэалізоўваць толькі з Расіяй, як гэта было дагэтуль, заявіў прэм'ер-міністр Нікол Пашынян у інтэрв'ю грамадскаму Радыё Арменіі ў чацвер, піша Deutsche Welle.

Са слоў Пашыняна, раней 95-97 працэнтаў адносін Арменіі ў абароннай сферы былі з РФ, цяпер «гэтага не можа быць як з аб'ектыўных, так і з суб'ектыўных прычын». Арменіі «трэба зразумець, з кім мы рэальна можам мець стасункі вайскова-тэхнічнага і абароннага характару».

Як заўважыў кіраўнік урада, у студзені 2022 года ўлады Арменіі падрыхтавалі канцэпцыю рэфармавання арміі ў супрацоўніцтве з Расіяй. Аднак падзеі зімы таго года — блакаванне Азербайджанам Лачынскага калідора, які злучае Нагорны Карабах з Арменіяй — паказалі, што «мы не можам прасоўвацца з гэтай канцэпцыяй, і зараз мы павінны зразумець, наколькі рэалістычна супрацоўніцтва ў ваенна-тэхнічнай сферы» з Масквой, сказаў Пашынян.

Па словах прэм'ера, трэба змяніць канцэпцыю развіцця арміі. Ён паабяцаў, што такі дакумент будзе прыняты да канца года.

Крызіс у адносінах паміж Арменіяй і АДКБ

Пасля заканчэння баявых дзеянняў у Нагорным Карабаху ў верасні 2023 года Пашынян назваў структуры, у якіх удзельнічае Арменія, неэфектыўнымі, маючы на ўвазе арганізацыю Дамовы аб калектыўнай бяспецы (АДКБ). Членства Арменіі ў АДКБ, прынамсі, пачынаючы з 2020 года, нічога не прыносіць Ерэвану, заявіў летам сакратар Рады бяспекі краіны Армен Грыгаран. «З 2020 года з боку Азербайджана на Арменію адбылося тры шырокамаштабныя напады, пры якіх АДКБ не аказала Арменіі якога-небудзь садзейнічання», — сказаў ён.

У студзені 2023 года Арменія адмовілася праводзіць вучэнні АДКБ на сваёй тэрыторыі, а ў ліпені вырашыла не ўдзельнічаць у вучэннях выратавальных службаў гэтай арганізацыі ў Беларусі. У маі 2023 года Нікол Пашынян дапусціў выхад Арменіі са складу АДКБ. У лістападзе прэм'ер не прыехаў на мінскі саміт АДКБ і папрасіў арганізацыю зняць дакумент аб дапамозе Ерэвану з парадку сустрэчы.

У верасні 2023 года Арменія правяла на сваёй тэрыторыі сумесныя з ЗША вайсковыя вучэнні, задачай якіх была падрыхтоўка да ўдзелу ў міжнародных міратворчых місіях.

Каментары

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць