Свет33

Еўропе трэба дзесяць гадоў, каб цалкам падрыхтавацца да абароны — кіраўнік Rheinmetal

Цяпер склады амаль пустыя — боепрыпасы адпраўленыя Украіне.

Олаф Шольц, Армін Папергер і Барыс Пісторыус на закладцы новага завода 12 лютага 2024 года. Фота: David Hecker / Getty Images

Еўропе спатрэбіцца дзесяць гадоў, каб запоўніць свае склады боепрыпасаў і быць цалкам гатовай да абароны ад «агрэсара, які хоча ваяваць з NATO» — так лічыць кіраўнік найбуйнейшай нямецкай ваенна-прамысловай кампаніі Rheinmetall Армін Папергер, піша Бі-бі-сі.

«Мы будзем у парадку праз тры-чатыры гады, але каб цалкам падрыхтавацца, нам трэба 10 гадоў», — сказаў кіраўнік Rheinmetal Армін Папергер Бі-бі-сі на цырымоніі закладкі падмурка новага завода, на якім будуць рабіць снарады.

«Нам у Еўропе трэба вырабляць паўтара мільёна снарадаў», — сказаў Папергер, дадаўшы, што цяпер склады амаль пустыя — боепрыпасы адпраўленыя Украіне.

«Пакуль ідзе вайна, нам трэба дапамагаць Украіне, а затым нам спатрэбіцца мінімум пяць гадоў і насамрэч 10 гадоў, каб па-сапраўднаму папоўніць запасы», — працягнуў Папергер.

У цырымоніі пачатку будаўніцтва завода боепрыпасаў удзельнічалі канцлер Нямеччыны Олаф Шольц, а таксама міністр абароны Нямеччыны Барыс Пісторыус і прэм'ер-міністр Даніі Метэ Фрэдэрыксен.

Шольц у сваёй прамове, у прыватнасці, адгукнуўся на нядаўнюю заяву экс-прэзідэнта і патэнцыйнага кандыдата ў прэзідэнты ЗША Дональда Трампа, які зноў выказаўся ў тым духу, што не хацеў бы абараняць тыя краіны NATO, якія самі не трацяць дастаткова грошай на абарону.

«Дазвольце мне ясна сказаць у сувязі з нядаўнімі падзеямі, што любы перагляд гарантый калектыўнай абароны NATO безадказны, небяспечны і адпавядае толькі інтарэсам Расіі. Ніхто не павінен гуляць або таргавацца з бяспекай Еўропы», — сказаў Шольц.

Rheinmetall плануе ўкласці ў новы завод у мястэчку Унтэрлюс у Ніжняй Саксоніі, на поўначы Германіі, больш за 300 млн еўра. Завод па планах будзе вырабляць 200 тыс.снарадаў у год.

Адразу пасля нападу Расіі на Украіну Олаф Шольц абвясціў аб т. зв. Zeitenwende — паваротным моманце ў знешняй палітыцы Германіі — і аб разавых асігнаваннях на абарону 100 млрд еўра.

Тым не менш, Нямеччына, як і большасць краін NATO, дагэтуль не давяла свае вайсковыя выдаткі да 2% ВУП — такое абавязанне краін NATO калектыўна ўзялі на сябе яшчэ 10 гадоў таму, пасля таго, як Расія захапіла Крым і развязала вайну на Данбасе.

Доктар Клаўдыя Маёр з нямецкага Інстытута міжнародных спраў і палітыкі бяспекі канстатуе, што пасля лютага 2022 года еўрапейскія краіны, вядома, сталі больш укладваць у абарону.

«Але калі шчыра, мы ведаем, што ў дадзены момант еўрапейцы не здольныя абараніцца ў выпадку канвенцыйнага канфлікту без падтрымкі Злучаных Штатаў», — кажа доктар маёр.

Паводле яе слоў, з таго часу, як Шольц абвясціў аб Zeitenwende, зроблена ўжо нямала — але ўсё ж недастаткова для таго, каб супрацьстаяць усяму спектру пагроз.

Каментары3

  • Блазны
    13.02.2024
    Прапаную здацца і заплаціць рэпарацыі расеі
  • Таки да
    13.02.2024
    Европа как всегда спит. Ждет авось пронесет. Затем когда наступает час Х, Европа благополучно сдается или платит чудовищными потерями (Франция, Бельгия, Голландия). Такова участь розовых пони. Уж сколько Россия учила их, а все без толку. 
  • Важна памятаць
    13.02.2024
    За 3-4 гады, а тым больш за 10 гадоў, Расея таксама падрыхтуецца да вайны, таксама наробіць снарадаў, дронаў, іншай вайсковай тэхнікі, вырасціць пакаленне 8+, якое са школы і дзіцячага садка вучыцца строіцца літарай Z.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць