Грамадства33

Лукашэнка пракаментаваў зліў пра вакцыну для «Першага»

Аляксандр Лукашэнка 20 лютага на нарадзе па бяспецы адрэагаваў на інфармацыю кіберпартызанаў пра тое, як чыноўнікі падманвалі людзей падчас кавіду, а для Лукашэнкі і яго сямʼі былі адпраўленыя прышчэпкі ад вірусу. Пра падман людзей Лукашэнка нічога не адказаў, але абверг, што прывіваўся.

«Я сёння прачытаў абсурдную рэч: аказваецца, у час пандэміі для прэзідэнта Беларусі быў сфармаваны нейкі там запас вакцын, — сказаў Лукашэнка. — Але я ўвогуле не вакцынаваўся. Я не вакцынаваўся, і маю пазіцыю вы ведаеце ў сувязі з гэтай пандэміяй». Тым не менш такі інфармацыйны ўкід быў зроблены, прычым са спасылкай на нейкія размовы медыкаў, якія абмяркоўвалі, дзе схаваць вакцыну. «І на што спасылаюцца? Што кіберпартызаны або Нехта там узламалі нейкі акаўнт, сайт або сервер», — паказаў абазнанасць Лукашэнка. 

Ён дадаў, што пытанні, якія датычацца вакцын або дактароў для яго асабіста, не ўваходзяць у кампетэнцыю звычайных медыкаў. 

«Якія дактары будуць абмяркоўваць лекі, вакцыны для прэзідэнта? Начальнік службы бяспекі — адзіны чалавек, які можа ведаць гэту інфармацыю. Але ён упершыню чуе тое, аб чым я сказаў», — аргументаваў Лукашэнка. 

«Яшчэ раз падкрэсліваю: я чалавек, які не вакцынаваўся», — дадаў ён.

Размовы, якія паказваюць, як чыноўнікі падманвалі людзей падчас кавіду, а для Лукашэнкі і яго сям'і былі адпраўлены прышчэпкі ад гэтага вірусу, злілі кіберпартызаны. 

Адна са злітых размоў — паміж начальніцай галоўнага ўпраўлення аховы здароўя Мінгарвыканкама Наталляй Баярскай і галоўным доктарам Мінскай абласной дзіцячай бальніцы Дзмітрыем Зайцавым.

У размове Баярская кажа, што знайшла пяць доз першага і другога кампанентаў прышчэпкі з тэрмінам прыдатнасці да верасня 2021 года.

«У чацвер Матронкіна з раёна прывязе яе вам. Захоўвайце яе як зрэнку вока. Гэта будзе для «Першага» і ахвотных, можа быць, сямʼі. Але ў панядзелак да вас прыйдзе Румас».

Таксама ў расследаванні прыводзіцца фрагмент размовы, дзе чыноўнікі дамаўляюцца падманваць людзей. Але гэта Лукашэнка не пракаментаваў.

Чытайце яшчэ:

У чарзе на прышчэпку ад кавіду ў «Экспабеле» стаіць сто чалавек ФОТА

Пункт вакцынацыі ад кавіду ў «Экспабеле» — усё. Прышчэпкі больш рабіць не будуць

Лукашэнка заявіў, што перахварэў на амікрон. Што ён рабіў апошнія два тыдні і што павінен быў рабіць

Намесніца міністра аховы здароўя адмовілася адказваць на пытанні журналістаў на брыфінгу

Каментары3

  • Ёсік
    20.02.2024
    Каб не было праўдай, маўчаў бы. Хлус
  • Харош заливать
    20.02.2024
    Кто тебе поверит? Ты же памятник!
  • Янка
    21.02.2024
    известная история, как Лукашенко проверял российскую поделку на Массандре, после чего та отьехала на больничный. 
    в Канаде бустер накатило только 2.6% населения, и только гении из оппозиции в Варшаве и Вильне до сих пор уверены, что это супер для здоровья.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць