Эканоміка

Міністр гандлю спрагназаваў памер інфляцыі на гэты год. ЕАБР завочна пярэчыць

Міністр Багданаў мяркуе, што інфляцыя нават будзе меншай, «калі не здарыцца знешніх форс-мажораў».

Міністэрства антыманапольнага рэгулявання і гандлю чакае, што інфляцыя ў 2024 годзе складзе менш за 6%, заявіў кіраўнік МАРГ Аляксей Багданаў, піша «Спутнік».

«Па нашых разліках, сёлета мы не перавысім прагнозны параметр па інфляцыі — гэта не больш за 6 працэнтаў», — сказаў міністр у інтэрв'ю «СБ. Беларусь сёння».

Паводле яго слоў, ёсць чаканні, што інфляцыя будзе нават ніжэйшай, «калі не здарыцца знешніх форс-мажораў». 

«Пры гэтым некаторы «запас», якраз на непрадбачаныя выпадкі, у нас дакладна будзе», — запэўніў Багданаў.

Ён нагадаў, што па выніку 2023 года індэкс спажывецкіх цэн у Беларусі атрымаўся ніжэй за мэтавае значэнне і склаў 5,8%. Пры гэтым улады закладвалі прагноз у 7-8%.

Адным з фактараў, якія дазволілі ўтрымаць інфляцыю, выступае сістэма рэгулявання цэн на большасць тавараў у рамках урадавай пастановы №713. Акрамя таго, знізіліся сярэднія кошты імпарту на фоне ўмацавання беларускага рубля да валюты Расіі — асноўнага гандлёвага партнёра Беларусі.

У МАРГ адзначаюць, што за 2023 год айчынная валюта ўмацавалася да расейскай прыкладна на 10,5%.

«Акрамя гэтага, зменшыліся сусветныя цэны на сыравінныя і харчовыя тавары, а таксама цэны вытворцаў сельгаспрадукцыі на фоне запаволення росту выдаткаў. Патаннела і паліва, прыкладна на 4,2%, што адбілася на кошце лагістыкі», — падкрэсліў кіраўнік МАРГ.

У снежні эксперты Еўразійскага банка развіцця зрабілі прагноз па ўзроўні інфляцыі ў Беларусі па выніках 2024 года. Яны лічаць, што рост узроўню цэн складзе 8 працэнтаў.

Свае довады аналітыкі аргументуюць тым, што ў 2024 годзе магчымае паслабленне беларускага рубля да расейскага і падвышаная інфляцыя ў РФ — гэтыя фактары будуць аказваць праінфляцыйны ўплыў на беларускі рынак.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць