Свет77

У Трампа не знайшлося $450 мільёнаў на заклад, каб аспрэчыць рашэнне суда Нью-Ёрка

Ён прапанаваў $100 млн.

 

Фота: Manuel Balce Ceneta

У Дональда Трампа не знайшлося сумы $454,2 млн, якую суд Нью-Ёрка абавязаў яго выплаціць па грамадзянскім пазове аб фінансавым махлярстве, і замест гэтага Трамп прапанаваў толькі 100 млн, піша Бі-бі-сі.

Трамп хоча аспрэчыць рашэнне, прынятае 16 лютага нью-ёркскім суддзёй Артурам Энгаронам, па якім экс-прэзідэнту, сярод іншага, на тры гады забараняецца займаць кіруючыя пазіцыі ў любой кампаніі штата Нью-Ёрк ці браць пазыкі ў банках, зарэгістраваных у гэтым штаце.

Але каб падаць апеляцыю, неабходна ўнесці заклад у памеры поўнай сумы, прысуджанай судом, у месячны тэрмін. У адваротным выпадку пракуратура штата Нью-Ёрк мае права спагнаць гэтыя сродкі ў любы момант.

Трамп павінен альбо адшукаць неабходную суму з уласных сродкаў — ён сцвярджае, што ў яго такіх грошай няма, — альбо звярнуцца ў адну з спецыялізаваных кампаній, якія налічваюць дадатковы працэнт за свае паслугі.

Але ніхто не абавязвае іх прымаць Трампа ў якасці кліента, і ў сераду адвакаты экс-прэзідэнта заявілі суду, што знайсці такога пасярэдніка ім не ўдалося.

У пазове, пададзеным генеральным пракурорам Нью-Ёрка Летышай Джэймс, па якім вынес рашэнне суддзя Энгарон, Трампа і яго сямейны бізнэс абвінавачвалі ў завышэнні яго ўласных даходаў на 3,6 млрд даляраў у год на працягу дзесяці гадоў з мэтай увесці ў зман банкі і дзеля лепшых умоў пазыкі.

Суддзя не стаў адмяняць бізнэс-ліцэнзіі Трампа, што, на думку некаторых экспертаў, магло фактычна пакласці канец яго бізнэс-імперыі. Аднак ён прызначыў Трампу штраф у $354,9 млн, і на мінулым тыдні гэтая сума з улікам набеглых адсоткаў (па $112 тыс. кожны дзень) дасягнула ўжо $454,2 млн.

Як заявілі адвакаты Трампа ў апеляцыйным судзе сярэдняй інстанцыі, «прысуджаная да выплаты сума разам з незаконнай і неканстытуцыйнай поўнай забаронай на крэдытаванне зрабілі немагчымым забеспячэнне і ўнясенне поўнага закладу».

Паводле іх слоў, заклад у 100 млн, а таксама шырокая нерухомасць Трампа і пастаянны нагляд за Trump Organization з боку прызначанага судом назіральніка будуць больш чым дастатковымі для забеспячэння судовага рашэння.

Адвакаты Трампа таксама паспрабавалі часова прыпыніць выкананне прысуду на час разгляду апеляцыі, сцвярджаючы, што іх кліенту будзе прычыненая «непапраўная шкода» ў выпадку, калі офіс генеральнага пракурора Джэймс вымусіць яго прадаць свае актывы для прыцягнення капіталу.

Адначасова Трамп спрабуе пазбегнуць выплаты поўнага закладу на 83 з лішнім млн на час чаканай апеляцыі на прысуд аб паклёпе, вынесены ў мінулым месяцы на карысць пісьменніцы Джын Кэрал. Трамп звярнуўся да суддзі з просьбай дазволіць яму апеляваць без закладу або прынамсі даць незабяспечаны заклад на суму не больш за 24,5 млн.

Каментары7

  • Žvir
    29.02.2024
    Chren jaho viedaje, dzie liudzi hrošy biaruć. Takimi ličbami manipuliujuć, što ú halavu nie pralaziać... I načarta takomu čalavieku úlada, dy jašče ú takim uzroście ? Jon što, idyjot ?
  • Дж
    29.02.2024
    Повесели нас, рыжий клован!
  • Make president old again
    29.02.2024
    Žvir, паўсюль старпёры чапляюцца сінімі пальцамі за ўладу. Можа ў іх там з узростам мозг дэградуе пэўным чынам...

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць