Нерухомасць99

Чырвоны пакой і Буда. У Мінску прадаюць кватэру з футурыстычным дызайнам

Гэта двухузроўневая пяціпакаёўка на беразе Сляпянкі.

Фота: realt.by

Агульная плошча кватэры з унікальным дызайнам, выстаўленай на продаж — 245 м², жылая амаль 180 м². Хол, гасцёўня і кухня знаходзяцца ў адным памяшканні плошчай 94 м². У цэнтры — чырвоная канапа. 

На другі паверх (антрэсоль) вядзе лесвіца са шклянымі сходамі.

Фота: realt.by

Звычайныя формы ў гэтай кватэры маюць толькі аконныя і некаторыя дзвярныя праёмы. Лесвічныя пярылы, балясіны і нават убудаваныя ў столь свяцільнікі выкананы ў футурыстычным стылі.

Кухня ў кватэры — белага колеру з велізарнымі панарамнымі вокнамі. 

Фота: realt.by

З вокнаў кватэры адкрываецца від на Нацыянальную бібліятэку.

Таксама маецца і чырвоны пакой. Побач з ім у сцяне можна заўважыць арку, якая нагадвае праход для мышы з мультфільмаў пра Тома і Джэры. Унутры чырвонага пакою намаляваны Буда.

Фота: realt.by

У кватэры знаходзіцца тры санвузлы. Два з трох ванных пакояў выкананы ў менш футурыстычным стылі. У адным з іх месціцца вялікая джакузі і, што даволі рэдка для жылых памяшканняў, пісуар.

Фота: realt.by

Ложак у спальным пакоі таксама далёкі па сваіх формах ад таго, што мы прызвычаіліся бачыць. 

Фота: realt.by

Мэблю нестандартных форм можна заўважыць і ў іншых пакоях. Праз тое, што кватэра знаходзіцца на апошнім паверсе і вышыня столі моцна розніцца з-за канструкцыі будынку, выхад на другі паверх (антрэсоль) маецца не толькі з хола, але і з працоўнага кабінета.

Сярод іншага на 245 «квадратах» знайшлося месца для прасторнай гардэробнай і спартыўнай залы.

Фота: realt.by

Як пазначана ў апісанні да аб'екта, у памяшканні зроблены аўтарскі рамонт па дызайн-праекце з выкарыстаннем найлепшых па якасці імпартных матэрыялаў для будаўніцтва і аздаблення. Кватэра прадаецца разам з тэхнікай. 

У кватэры зроблена дадатковая цеплавая і гукавая ізаляцыя. Усталяваны кандыцыянер і прытокава-выцяжная вентыляцыя.

Просяць за кватэру 600 тысяч даляраў, магчымы гандаль.

Чытайце таксама:

У Мінску адкрыюць школу з асіметрычнымі вокнамі

«Адпрацуйце 40 гадоў кіраўніком, і ў вас атрымаецца». Экс-сенатарка расказала, як можна зарабіць на дом за $1,5 мільёна

У Брэсце ўрачыста здалі два дамы для вайскоўцаў. Ключы ўручаў міністр Хрэнін

Каментары9

  • Фэйспалм
    06.03.2024
    Паглядзець прыкольна, мо нават у госці схадзіць цікава. Але жыць у такіх інтэр'ерах будзе не вельмі прыемна
  • циник
    06.03.2024
    Фэйспалм, квартирка как раз интересная, можно было б и жить, весь вопрос в том, что жить в ней надо здесь, если б она была в Италии другое было бы дело, но в Италии на эти деньги можно и два домика купить, один сдавать, в другом жить.
  • Фэйспалм
    06.03.2024
    циник, да цаны таксама пытанні ёсць. Калі яе сапраўды прадаюць не першы год, то кошт яўна не рынкавы. Інакш даўно прадалі б.
    Цэны на нерухомасць у Італіі не адсочваю, але жыць у Італіі ў любым выпадку прыемней будзе, чым у Мінску)))

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць