Вайна1818

Орбан распавёў, як Трамп хоча спыніць вайну ва Украіне

Прэмʼер-міністр Венгрыі Віктар Орбан, які нядаўна праводзіў сустрэчу з Дональдам Трампам, сцвярджае, што ведае падрабязнасці стратэгіі экс-прэзідэнта ў дачыненні да Украіны.

Прэмʼер-міністр Венгрыі Віктар Орбан. Фота: AP Photo / Khalil Hamra

Па словах Орбана, Трамп, які можа стаць прэзідэнтам ЗША ад Рэспубліканскай партыі, не мае намеру падтрымліваць Украіну – і такім чынам скончыць вайну, піша ВВС. 

«У яго ёсць вельмі дакладнае бачанне, з якім цяжка не пагадзіцца, — сказаў Орбан у інтэрвʼю венгерскай газеце Magyar Nemzet. — Ён кажа наступнае:

Па-першае, ён не дасць на ўкраінска-расійскую вайну ні капейкі. Таму вайна і скончыцца. Бо зразумела, што Украіна не можа самастойна выстаяць. І калі амерыканцы не будуць даваць грошы і зброю разам з еўрапейцамі, то вайна скончыцца. А калі амерыканцы не будуць даваць грошы, еўрапейцы самастойна не змогуць фінансаваць гэтую вайну. І тады яна скончыцца». 

Верагодна маючы на ўвазе пункт гледжання Трампа, Орбан дадаў, што «калі еўрапейцы баяцца расіян ці хочуць забяспечыць больш высокі ўзровень бяспекі ў цэлым, то хай яны самі за гэта плацяць». 

«Або хай ствараюць сваю ўласную армію і сваю ўласную тэхніку, або, калі хочуць выкарыстоўваць для гэтага амерыканцаў, то хай яны амерыканцам плацяць за бяспеку», — сказаў Орбан. 

Трамп, які не раз ухвалена выказваўся пра прэзідэнта Расіі Уладзіміра Пуціна, абяцае спыніць вайну Расіі супраць Украіны цягам дня. Аднак ён не тлумачыць, якім менавіта чынам ён хоча гэта зрабіць. 

Тым часам прыхільнікі Трампа ў Кангрэсе працягваюць блакаваць закон аб выдзяленні Кіеву ваеннай і фінансавай дапамогі. 

Орбан застаецца адзіным еўрапейскім лідарам, які падтрымлівае стасункі з Пуціным. 

Ён таксама выказваўся супраць дапамогі Украіне і нядаўна заблакаваў рашэнне ЕС аб выдзяленні Кіеву маштабнага пакету фінансавай дапамогі. Венгрыя пагадзілася зняць сваё вета толькі пасля таго, як астатнія лідары Еўрасаюза на спецыяльным саміце заявілі Орбану, што яго пазіцыя ў гэтых адносінах недапушчальная.

Каментары18

  • Axel Justas
    11.03.2024
    Два ідыёты...
  • Васіль
    11.03.2024
    Правільна. Трамп не дасьць не капейкі. Ён будзе даваць зброю. Ён сам пра гэта казаў. "Я пасаджу іх за стол. Зяленскаму скажу" ствары здзелку ", а Пуціну скажу "ідзі на здзелку, іначай я дам ім столькі зброі, колькі ў іх ніколі не было". Панятна, што калі перастануць даваць мільёны - то красьці стане цяжэй. І менавіта гэта не падабаецца "украінскай эліце".
  • я не понимаю венгров
    11.03.2024
    Неужели им приятно быть под властью этого путинского сблёва? Какой позор.

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць