Грамадства

Канец гісторыі. У Мінску ліквідуюць таварыства падманутых укладчыкаў, дапамогу якім абяцаў Лукашэнка

Мінскі гарадскі суд пачынае разглядаць пазоў Міністэрства юстыцыі па ліквідацыі Беларускага грамадскага аб’яднання пацярпелых укладчыкаў «За сацыяльную справядлівасць», піша Радыё Свабода

Аб’яднанне было зарэгістраванае ў 1995 годзе, а ў 1996 годзе яго дзейнасць падтрымаў і абяцаў дапамогу Аляксандр Лукашэнка, які нават выдаў свой спецыяльны ўказ на гэты конт, што, як здавалася пацярпелым укладчыкам, гарантуе іх правы.

Пацярпелых укладчыкаў на Беларусі ўжо ў сярэдзіне 90-х было нямала. Фінансавы рынак тады рэгуляваўся слаба, пад выглядам інвестараў у фінансавую сістэму Беларусі зайшлі сумнеўныя элементы з суседніх краінаў, з'явіліся і беларускія фінансавыя «піраміды».

Найбольш вядомая справа фінансавай кампаніі «ФІКО», якая прымала ў грамадзян валюту на абмен па курсе значна вышэйшым за рынкавы, абяцала ўкладчыкам вышэйшыя, чым у банках, працэнты, а таксама адмывала грошы з-за мяжы. На заснавальніцу кампаніі завялі справу, але яна ўцякла за мяжу.

Беларуская дзяржава ўрэшце прызнала свае абавязацельствы перад укладчыкамі збанкрутаваных банкаў, выплаціўшы фізічным асобам — напрыклад, укладчыкам банку «БелБалтыя», каля 18 млн. даляраў, хоць і без працэнтаў, а вось абавязацельствы перад людзьмі, якія аказаліся ахвярамі «фінансавых кампаній», ніхто выконваць не збіраўся.

Гэтыя кампаніі легальна дзейнічалі на тэрыторыі Беларусі і збіралі грошы з даверлівых грамадзян, абяцаючы высокія працэнты, імпартныя тавары па нізкіх коштах і нават танныя кватэры, абсалютна легальна.

«Фіко», «Гайстрах», «Сэкай» і іншыя кампаніі даўно забытыя беларускай публікай, агулам у 1990-х было 24 такія кампаніі. Цяпер ліквідуюць і аб’яднанне тых, каго яны падманулі.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць