Эканоміка

Урад перагледзіць умовы дзяржпадтрымкі пры будаўніцтве жылля

У Беларусі наспела неабходнасць змяніць падыходы да забеспячэння грамадзян жыллём. Аб гэтым заявіў прэмʼер-міністр Беларусі Раман Галоўчанка ў часе нарады ва ўрадзе.

 Галоўчанка канстатуе, што тыя ўмовы, якія існуюць для будаўніцтва з дзяржпадтрымкай, людзей не задавальняюць. Сама нарада, паводле яго слоў, звязана з «пэўнымі цяжкасцямі, якія ўзнікаюць у галіне будаўніцтва жылля ў краіне, асабліва з дзяржпадтрымкай». 

«І не таму, што мы не можам будаваць больш. Відаць, дзейныя механізмы, якія забяспечваюць дзяржпадтрымку, пачынаюць страчваць актуальнасць», — сказаў Раман Галоўчанка. 

Гэта аказвае ўплыў на будаўніцтва.

«Прычына — перш за ўсё адмова грамадзян, якія маюць права на дзяржпадтрымку, ад будаўніцтва. Не таму, што мы яе не можам забяспечыць, — проста людзі адмаўляюцца на гэтых умовах браць падтрымку. Пры гэтым колькасць людзей, якія стаяць на ўліку як тыя, што маюць патрэбу ў паляпшэнні жыллёвых умоў, нягледзячы на ​​тое, што тэмпы будаўніцтва жылля з дзяржпадтрымкай вельмі істотныя, скарачаецца павольнымі тэмпамі», — дадаў ён. 

Адначасова ў краіне, паводле яго слоў, расце колькасць жадаючых пабудаваць жыллё з маладых семʼяў, якія знаходзяцца на ўліку, без дзяцей або з адным дзіцем (а дзяржпадтрымка прадастаўляецца толькі семʼям, якія маюць не менш як двух дзяцей).

«Усе гэтыя тэндэнцыі і сацыяльная значнасць пытання сведчаць аб неабходнасці змянення падыходаў па забеспячэнню грамадзян жыллём», — сказаў Галоўчанка.

Якія змены адбудуцца, пакуль невядома.

Згодна з Белстатам, у студзені-лютым 2024 года было ўведзена ў эксплуатацыю 417, 1 тыс. кв. м жылля агульнай плошчы, а жылля з дзяржпадтрымкай — 74, 4 тыс. кв. м. Гэтыя лічбы значна меншыя за мінулагоднія. У студзені-лютым 2023 года пабудавалі 588,2 тыс. кв. м жылля, для грамадзян, якія маюць патрэбу ў паляпшэнні жыллёвых умоў, уведзена ў эксплуатацыю 253,1 тыс. кв. м, з выкарыстаннем дзяржаўнай падтрымкі — 184,5 тыс. кв. м.

Каментары

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць