Свет

Еўрапол: у ЕС дзейнічаюць звыш 800 «вельмі небяспечных» крымінальных сетак. У іх шэрагах ёсць і беларусы 

Паліцэйская служба Еўрасаюза апублікавала новую вялікую справаздачу пра дзейнасць арганізаваных злачынных груповак (АЗГ) і колькасці самых небяспечных з іх на тэрыторыі Еўропы. У дакуменце таксама напісана пра беларусаў і тыпы злачынстваў, у якіх тыя былі заўважаны.

Фота: афіцыйны сайт Еўрапола

Паводле новай справаздачы Еўрапола, на тэрыторыі ЕС цяпер дзейнічае 821 найбольш небяспечная АЗГ з 25 тысячамі ўдзельнікаў, 86% з якіх адмываюць свае даходы ў цалкам легальнай сферы (пераважна праз будаўнічы сектар, сферу паслуг і гандаль нерухомасцю).

Палова з гэтых сетак зарабляе наркагандлем, а частка можа весці свае справы, нават калі ўсё іх кіраўніцтва знаходзіцца ў турме, паведамляе Еўрапол.

Сярод 821 выяўленых небяспечных АЗГ, у прыватнасці, былі адзначаныя:

  • 113 вельмі небяспечных сетак кантрабанды какаіну, 111 сетак кантрабанды розных наркатычных сродкаў, 44 сеткі кантрабанды марыхуаны, а таксама 10 сетак кантрабанды сінтэтычных наркотыкаў.
  • 48 небяспечных груповак па кантрабандзе мігрантаў. 18 з іх займаецца ўцягваннем людзей у сэксуальнае рабства і гандлем імі, а яшчэ 13 зарабляе працоўным рабствам.
  • 48 груповак, якія зарабляюць арганізаванымі крадзяжамі і рабаваннямі маёмасці. 19 з іх крадуць транспартныя сродкі.
  • 50 груповак анлайн-махляроў і 34 сеткі, якія займаюцца махлярствам з акцызнымі падаткамі.

Акрамя таго, Еўрапол надаў увагу злачынным сеткам з Усходняй Еўропы, у якіх таксама адзначаны ўдзел грамадзян Беларусі.

«Грамадзяне Усходняй Еўропы з Беларусі, Чэхіі, Венгрыі, Малдовы, Польшчы, Расіі, Славакіі і Украіны звычайна знаходзяцца у складзе тых груповак, дзе дамінуюць украінцы або палякі. 

Крымінальныя сеткі з пераважна ўкраінскім кіраўніцтвам часта складаюцца з польскіх, расійскіх, славацкіх і беларускіх злачынцаў, якія таксама займаюць ключавыя пазіцыі ў гэтых групоўках. У асноўным яны займаюцца кантрабандай тытуню, махлярствам з падаткамі і мытняй, анлайн-махлярствам і незаконным увозам мігрантаў. Часцей за ўсё гэтыя групоўкі дзейнічаюць у Чэхіі, Польшчы, Славакіі, Іспаніі і Украіне.

Што тычыцца сетак з пераважна польскім кіраўніцтвам, то іх асноўная дзейнасць уключае незаконны абарот канабіса, какаіну і розных прэкурсораў, кантрабанду тытуню і махлярства з падаткамі. Яны звычайна працуюць у Бельгіі, Германіі, Нідэрландах, Польшчы, Славакіі, Іспаніі і Злучаным Каралеўстве», — піша ў сваёй справаздачы Еўрапол.

Паліцэйская служба адзначыла, што іх новы дакумент «моцна дапаможа» супрацьстаянню злачынным групоўкам па ўсёй Еўропе і што ён ўжо быў адпраўлены ўладам краін ЕС.

З поўным зместам дакумента (на англійскай мове) можна азнаёміцца тут.

Каментары

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць