Кіно22

У папулярным амерыканскім серыяле паказалі зборную Беларусі па футболе — яе матч глядзеў адзін з галоўных герояў

Праўда, з часам аўтары наблыталі.

Скрыншот відэа: «Лепш тэлефануйце Солу»

У скарбонцы згадак Беларусі ў папулярных амерыканскіх фільмах і серыялах папаўненне. Гэтым разам кінаробы паказалі матч зборнай Беларусі па футболе. Праўда, зусім эпізадычна.

Беларускія футбалісты з'явіліся ў кадры ў серыяле «Лепш тэлефануйце Солу» — гэта прыквел звышпапулярнага ў свой час шоу «Ва ўсе цяжкія». У 3-й серыі 5-га сезона адзін з герояў серыяла Нача Варга глядзіць футбол — гэта зразумела па воклічы «Гол!», заўважыў канал «Пьяные подкасты».

Адна са спадарожніц Нача ў гэты час праводзіць маніпуляцыі з пультам і выпадкова пераключае канал. Менавіта ў гэты момант на пару секундаў у кадры з'яўляецца матч, які глядзелі героі серыяла. Гэта таварыская гульня паміж зборнымі Беларусі і Мексікі.

Аўтары серыяла выбралі запіс рэальнага матчу — адзінага паміж гэтымі дзвюма камандамі. Ён адбыўся на «Барысаў-Арэне» 18 лістапада 2014 года. Тады пастаянныя ўдзельнікі чэмпіянатаў свету прывезлі ў Беларусь моцны склад, але гаспадары перамаглі з лікам 3:2.

Чаму ў серыял трапіла менавіта гэтая гульня? Верагодна, таму што Нача па сюжэце працуе на мексіканскі наркакартэль. Але з часам кінаробы трохі наблыталі — дзеянні серыяла разгортваюцца ў пачатку 2000-х, а не ў 2014-м.

Акрамя таго, у кадры можна заўважыць кіналяп: да таго, як паказалі тэлевізар, каментатар пракрычаў «Гол!», але ў кадры з матчам відаць, што лік у гульні да 18-й хвіліны не адкрыты. Дарэчы, першы гол гледачы ўбачылі толькі пасля перапынку.

У самім серыяле «Ва ўсе цяжкія» таксама не абышлося без згадкі Беларусі: герой Сол Гудман у адной з серый расказвае, што ў яго ёсць хакер, які жыве ў Мінску ў падвале.

Каментары2

  • .
    21.05.2024
    Пустое
  • Кастрат
    21.05.2024
    Чатыры гады таму паказалi!!! Зараз нам што да гэтага??! )))
    Вы яшчэ напiшыце што там Хрюшка сказал Степашке хрэн ведае калI))

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць