Грамадства55

На дзяржаўным тэлебачанні паказалі сюжэт пра збыт мяса з жывёльных могільнікаў

Тухлае мяса «рэанімавалі» і прадавалі праз крамы. 

Скрыншот эфіру АНТ

Тэлеканал АНТ паказаў сюжэт пра бізнэс на мясе з жывёльных могільнікаў, пра які ў мінулым месяцы згадваў Лукашэнка. У матэрыяле паведамілі, што ГУБАЗіК затрымаў удзельнікаў злачыннай групы, якія адкопвалі ў жывёльных могільніках тушы загінулых жывёл, разбіралі іх і адмывалі мяса мыйным сродкам.

Сцвярджаецца, што крадзяжом займаліся людзі, раней судзімыя за крадзеж буйной рагатай жывёлы на тэрыторыі Мінскай, Магілёўскай і Гомельскай абласцей. За месцамі здабычы яны сачылі з дапамогай фотапастак і, калі было бяспечна, прыязджалі на разбіранне.

Аўтары заяўляюць, што мяса па злачынным ланцугу паступала на прылаўкі крамаў. Перад продажам яго «рэанімавалі», для аптовых продажаў, змешваючы з добрай прадукцыяй, пастаўкі ішлі ў тым ліку і ў Расію.

@nashanivanews У Беларусі людзей кармілі тухлым мясам #беларусь #продукты #чпбеларусь #беларусьновости #беларускаямова #беларускітыкток #нашаніва ♬ Crime Scene - Avery Alexander

Паводле інфармацыі намесніка начальніка аддзела па расследаванні злачынстваў супраць уласнасці УСК па Мінскай вобласці Паўла Грышалевіча, у штаце вытворчага цэха прыватнага прадпрыемства меліся свае ветэрынарны ўрач і тэхнолаг. У сюжэце прадстаўлены запіс, дзе, як сцвярджаецца, тэхнолаг раіць прамыць тушы содай або сродкам для посуду Fairy.

Скрыншот эфіру АНТ

«Гэты паўфабрыкат ялавічны з'яўляецца нясвежым і мае прыкметы псавання. Гэта сведчыць пра тое, што гэтае мяса атрымана ад жывёл хворых, знясіленых альбо забітых у стане агоніі, што забаронена ветэрынарна-санітарнымі правіламі. Выяўленыя бактэрыя роду Salmonella і бактэрыі групы кішачнай палачкі, што з'яўляецца небяспечным для ўжывання як ежы людзьмі», — кажа ў сюжэце дырэктар Мінскай абласной ветэрынарнай лабараторыі Іван Пырцак.

Скрыншот эфіру АНТ

Сцвярджаецца, што затрыманыя ўсе асноўныя фігуранты бізнэсу.

«Усім — ад «разбіральнікаў» да прадаўцоў пагражае да 10 гадоў пазбаўлення волі», — кажа голас за кадрам.

У сюжэце таксама заявілі, што выяўлена і ўтойванне падзяжу ў некаторых гаспадарках, з якім таксама разбіраюцца.

Нагадаем, на нарадзе аб развіцці АПК у красавіку Аляксандр Лукашэнка апісаў жудасны выпадак у Любані Мінскай вобласці, дзе, паводле яго слоў, насельніцтву прадавалася «мяса» з жывёльных могільнікаў.

«Не ведаю нават, як назваць гэтых людзей, дайшлі да таго, што канфіскоўвалі з жывёльных могільнікаў тушы паўшай буйной рагатай жывёлы, разбіралі іх і прадавалі гэтае мяса (у двукоссях) насельніцтву. Паведаміце, якія меры прынятыя. Прычым гэтым святатацтвам займаліся і ветэрынарныя ўрачы, і брыгадзіры сельгасарганізацый трох раёнаў Мінскай вобласці (Любань, Асіповічы, Старыя Дарогі)», — заяўляў ён.

Каментары5

  • Питон
    26.05.2024
    беларуский копальхен.. :)
  • Магільнік Беларусь
    26.05.2024
    Зато красіва
  • Проверьте ментов и КГБ к этой конфискации
    26.05.2024
    "Конфиковывают" только власти, значит это было сделано властями?

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю2

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць