Грамадства44

«Нехта высвідраваў дзіркі ў ствалах і запусціў туды яд». Невядомыя атруцілі дрэвы ў Маладзечне

У Маладзечне насупраць гандлёвага цэнтра «Тройка» з дрэвамі адбылося дзіўнае: не распусціліся вясной і высахлі дзясяткі дрэў. На месца выязджала камісія. Папярэдне ўстаноўлена, што нехта свядома вырашыў знішчыць дрэвы, распавядае kraj.by.

— Насупраць гандлёвага цэнтра «Тройка» проста на вачах літаральна счарнелі дрэвы, якія былі зялёнымі, — распавядала мясцовая жыхарка Валянціна. — Такіх там каля 70 штук. Я думаю, што іх нечым аблілі для таго, каб знішчыць. Мае знаёмыя заўважылі гэта яшчэ ў нядзелю, а ўчора я сама там праходзіла і ўпэўнілася ў гэтым. 

Валянціна, якая жыве недалёка ад гэтага месца, кажа, што раней тут вадзіліся совы.

— У канцы траўня і ў пачатку чэрвеня тут заўсёды пішчалі савяняты, — працягвае жанчына. — У гэтым годзе іх не чуваць. І яшчэ. Ёлкі, якія стаяць бліжэй да праезнай часткі Вялікага Гасцінца, засталіся зялёнымі. А ёлка, якая з боку «Тройкі», сохне прама на вачах.

Версія пра тое, што нехта вырашыў спецыяльна знішчыць дрэвы, здавалася журналістам абсурднай, пакуль яны не патэлефанавалі камунальшчыкам. Па словах начальніка зялёна-паркавай гаспадаркі прадпрыемства «Камунальнік» Галіны Саўлідзі, папярэдняя версія менавіта такая.

— Я сёння разам з экалогіяй выязджала на месца. Нехта высвідроўваў дзіркі ў ствалах дрэў і запускаў туды яд. Тэрыторыя, на якой знаходзяцца дрэвы, не зʼяўляецца зямлёй агульнага карыстання. Яна замацаваная за пэўнымі асобамі, якіх я называць не буду, — патлумачыла Галіна Саўлідзі. 

Выказваць нейкія версіі наконт таго, каму і навошта трэба знішчаць дзясяткі дрэў у цэнтры Маладзечна, жанчына адмовілася: 

— Я — працаўнік «Камунальніка», а не следчы, каб вылучаць версіі. Будзем разбірацца з прыцягненнем міліцыі, — сказала яна.

Каментары4

  • РЛБ
    05.06.2024
    Какое нестандартное решение вопроса.
  • Шмидт
    05.06.2024
    Подвесить за яйца причастных !
  • Ага
    23.06.2024
    Камеры только же для "по схеме бчб"?? И частник не в ответе за землю в городской черте????

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю21

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся63

Былога супрацоўніка КДБ з польскім грамадзянствам асудзілі да 14 гадоў9

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю21

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць