Эканоміка66

Стала вядома, хто той «нармальны беларус», які набыў былы «Макдональдс» у Беларусі

У сеткі рэстаранаў хуткага харчавання Mak.by — новы ўладальнік. Ім стала кампанія «Кволіці Фуд», якая належыць бізнэсоўцу з малочнай галіны. Пра змену ўласніка сведчаць звесткі адзінага дзяржрэгістратара юрыдычных асоб і індывідуальных прадпрымальнікаў, заўважыла «Люстэрка».

Аляксей Саўчук. Фота: «Трыбуна»

У Беларусі працу сеткі Mak.by курыруе «КСБ Віктары Рэстараны», якая была франшызай McDonald's. З канца мінулага тыдня ўласнікам «КСБ Віктары Рэстараны» стала «Кволіці Фуд».

Гэтая кампанія была зарэгістраваная год таму, сферай яе дзейнасці значыцца дзейнасць рэстаранаў. 90% акцый «Кволіці Фуд» належаць бізнэсмену Аляксею Саўчуку, а 10% — дырэктарцы Mak.by Вікторыі Данько.

Раней «КСБ Віктары Рэстараны» належалі «КСБ Віктары Рэстарантс ПТЕ. ЛТД» з юрысдыкцыяй у Сінгапуры, кампаніяй праз свае юрыдычныя асобы валодалі бізнэсмен з Казахстана Кайрат Баранбаев і Вікторыя Данько.

Да актываў Аляксея Саўчука адносяць «Малочныя горкі», Exponenta, «Белсыр», Маладзечанскі мясакамбінат «Акдымол» і Кіраўскі харчовы камбінат. Бізнэсмен таксама інвестуе ў малакаперапрацоўчую галіну Расіі.

Ён уклаўся ў Трубчэўскі і Актанышскі малочныя камбінаты ў Бранскай вобласці і Татарстане адпаведна, набыў у Белгародскай вобласці вытворчую пляцоўку і стварыў кампанію «Ровеньскі сырароб». Год таму Аляксей Саўчук стаў суінвестарам у яшчэ адну вытворчую пляцоўку ў Расіі — у Кукморскі малочны камбінат.

Таксама Аляксей Саўчук у 2017 годзе быў абраны кіраўніком спартыўнай федэрацыі панкратыёна і баявых мастацтваў.

У студзені гэтага года Аляксандр Лукашэнка расказаў, што з'явіўся прыватнік, які гатовы купіць рэстараны экс-Mcdonald's. «Нармальны беларус, у якога ёсць уласнасць, гатовы развіваць гэтую сетку», — заявіў ён. 

Каментары6

  • Мх
    11.06.2024
    А твар у гэтага "нармальнага беларуса" такі магілёўскі-магілёўскі.
  • Пытаннечка
    11.06.2024
    З якой ён бандыцкай групоўкі?
  • Ну і назва...
    11.06.2024
    Мак.бай? Добра, што не Гашыш.бай ці Анаша.бай, ці Гераін.бай.
    Ну і назва рэстарану, дзе 16-гадовым дзяўчатам даюць па 10 год турмы за 1 грам наркотыкаў. https://d23c1v0bl3kk64.cloudfront.net/344616/

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць