Здарэнні

Без электрычнасці застаецца 851 населены пункт Гомельскай вобласці. У Мазыры няма святла, вады, не працуюць прадпрыемствы

На ліквідацыю наступстваў урагану ў паўднёвы рэгіён накіраваны брыгады з усёй краіны.

Фота: Мінэнерга

14 ліпеня магутны ўраган пракаціўся па Гомельскай вобласці. Моцны вецер паваліў вялікую колькасць дрэў, пашкодзіў дамы і лініі электраперадач.

Да гэтага часу без святла застаецца 851 населены пункт. Найбольш складаная сітуацыя склалася ў Мазырскім, Рэчыцкім, Гомельскім раёнах, паведамляе Мінэнерга.

Мазыр да гэтага часу застаецца без святла і вады, піша «Флагшток». Верагодная прычына — разбурэнне апоры высакавольтнай лініі 330kV.

Напярэдадні вечарам жыхары разабралі ўсю пітную ваду на запраўках. Мясцовыя ўлады выдзелілі на горад з насельніцтвам у 105 тысяч чалавек дзве 10-тонныя аўтацыстэрны.

Па стане на раніцу панядзелка ў Мазыры не працуюць прадпрыемствы. Рэанімацыйныя аддзяленні ў медустановах сілкуюцца ад рэзервовых генератараў. Работнікаў прадпрыемстваў прыцягваюць да ліквідацыі наступстваў непагадзі.

@nashaniva У Мазыры няма ні святла, ні вады, не працуюць прадпрыемствы #гомель #мозырь #беларусь #речица #ураган #буря #погода #тепло #лето ♬ Silent Hill - Horror music - Gabriel Andrade Produções

У суседніх Калінкавічах улады рэкамендавалі жыхарам запасіцца пітной вадой.

Для ліквідацыі наступстваў урагану ў Гомельскую вобласць накіраваны аварыйныя брыгады з іншых рэгіёнаў краіны.

Паводле звестак МНС, у выніку ўрагану ў Беларусі пацярпелі 268 населеных пунктаў (Брэсцкая вобласць — 12, Гомельская — 249 і Магілёўская — 7).

Пашкоджаны дахі 586 жылых дамоў, 7 аб'ектаў сацкультбыту і 146 сельскагаспадарчых будынкаў.

Зафіксаваны 819 выпадкаў падзення дрэў у Брэсцкай (23), Гомельскай (404), Мінскай (8) і Магілёўскай (384) абласцях і ў г. Мінску (11). Дрэвамі, якія ўпалі, пашкоджаны 55 аўтамабіляў у Гомельскай (46), Мінскай (1) і Магілёўскай (8) абласцях.

У выніку парываў ветру ад паваленых дрэў і элементаў дахаў загінулі чатыры чалавекі (з іх двое дзяцей), траўміраваны пяць чалавек — у тым ліку чацвёра дзяцей.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць