Свет11

Памерла экс-кіраўніца YouTube, якая стаяла ля вытокаў Google

Экс-кіраўніца YouTube Сьюзэн Ваджыцкі памерла пасля двух гадоў барацьбы з ракам. Пра гэта паведаміў генеральны дырэктар Alphabet Сандэр Пічаі. Ёй было 56 гадоў, піша The Insider.

Сьюзэн Ваджыцкі ў сакавіку 2023 года. Фота: Leon Bennett/FilmMagic

«Яна, як ніхто іншы, звязаная з гісторыяй Google, і цяжка ўявіць cвет без яе, — напісаў Пічаі. — Яна была неверагодным чалавекам, лідарам і сябрам, якая аказала велізарны ўплыў на свет, і я адзін з незлічоных супрацоўнікаў Google, якія сталі лепшымі ад таго, што ведалі яе. Нам будзе яе вельмі не хапаць».

Сьюзэн Ваджыцкі стаяла ля вытокаў стварэння Google — фактычна карпарацыя пачалася ў яе гаражы, які яна здала студэнтам Сяргею Брыну і Лары Пэйджу.

Неўзабаве яна кінула працу ў Intel і пачала працаваць на сваіх арандатараў: Ваджыцкі стала 16-м супрацоўнікам Google і першай жанчынай у кампаніі. Яна ж распрацавала мноства сэрвісаў карпарацыі, у прыватнасці Google AdWords і Google AdSense, цалкам змяніўшы падыход да рэкламы ў інтэрнэце.

У 2005 годзе Ваджыцкі вырашыла стварыць праект Google Videos, аднак ужо тады YouTube абганяў Google Videos па трафіку і росту аўдыторыі. Пазней Сьюзэн назаве праект Google Videos сваёй самай вялікай памылкай.

Ваджыцкі хутка прыняла рашэнне аб куплі YouTube, праз некалькі месяцаў Google купіў YouTube за $1,65 млрд. Як піша The Guardian, на той момант гэта была найбуйнейшая купля кампаніі, а цана — каласальнай.

Неўзабаве Ваджыцкі прыдумала, як манетызаваць YouTube з дапамогай рэкламы і партнёрскай праграмы. У 2010 годзе яна стала старшым віцэ-прэзідэнтам кампаніі Google. Дзякуючы ідэям Сьюзен ў 2010 годзе даход Google склаў больш за $28 млрд, а праз два гады — у 2012-м — ён вырас амаль удвая і склаў больш за $43 млрд у месяц.

У 2014 годзе Сьюзэн Ваджыцкі стала новай генеральнай дырэктаркай YouTube. Яна займала гэтую пасаду да 2023 года.

Каментары1

  • Woodoo Cult
    11.08.2024
    [Рэд. выдалена]

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал3

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны52

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал3

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць