Свет44

Папулярная крама ў Польшчы прызналася, што гандлявала няякаснымі прэзерватывамі

Сетка польскіх крам Rossmann тэрмінова адклікае дзве разнавіднасці прэзерватываў уласнай маркі Preventivo. Лабараторныя выпрабаванні паказалі, што вытворца не забяспечыў стабільную якасць прадукцыі: прэзерватывы з пэўных партый могуць прапускаць вадкасць або рвацца, паведамляе the-warsaw.pl

Здымак ілюстрацыйны. Фота: magnific.com

Купцоў прадукцыі заклікаюць неадкладна спыніць яе выкарыстанне і вярнуць упакоўкі ў краму. Грошы абяцаюць вярнуць нават без чэка.

Адкліканне тычыцца не ўсёй прадукцыі маркі, а толькі асобных партый двух відаў.

Першы від — ультратонкія прэзерватывы Preventivo па 24 штукі ва ўпакоўцы, штрыхкод 4305615918396. Пад адкліканне трапілі ўпакоўкі з тэрмінам прыдатнасці з лютага да чэрвеня

2030 года ўключна, з нумарамі партый 5312, 5526, 5661 і 5662.

Другі від — прэзерватывы Preventivo Mixed з каўчуку, таксама па 24 штукі ва ўпакоўцы, штрыхкод 4305615918433. Для іх вызначаныя наступныя партыі і тэрміны прыдатнасці:

  • 2030/01 — 02626;
  • 2030/01 — P026-26;
  • 2030/06 — P007-26;
  • 2029/09 — P018-26, P023-26, P025-26, P027-26, P048-25, P049-25;
  • 2029/08 — P029-25;
  • 2029/04 — P035-25, P037-25, P044-25;
  • 2028/08 — P026-25, P034-25, P039-25.

У краме Rossmann просяць папярэдзіць знаёмых і сваякоў, якія маглі набыць гэтую прадукцыю. Упакоўкі можна вярнуць у любую краму сеткі ў Польшчы, якіх налічваецца больш за 2100. Чэк для вяртання грошай не патрэбны.

Карыстацца прэзерватывамі з названых партый нельга, нават калі вонкава яны выглядаюць нармальна: вытворчы дэфект немагчыма выявіць без праверкі.

Згодна з польскім заканадаўствам аб бяспецы прадукцыі, пры вяртанні небяспечнага тавару прадавец павінен прапанаваць купцу як мінімум два варыянты вырашэння праблемы: замену на бяспечны тавар таго ж тыпу або вяртанне грошай. Сума вяртання не можа быць меншай за тую, якую пакупнік заплаціў.

Калі крама адмаўляецца прымаць тавар, пакупнік можа падаць скаргу ва Упраўленне абароны канкурэнцыі і спажыўцоў або ў ваяводскую гандлёвую інспекцыю. Інфармацыю пра адкліканне небяспечных тавараў у іншых краінах Еўрасаюза можна праверыць у сістэме Safety Gate, дзе збіраюцца адпаведныя папярэджанні.

Каментары4

  • UFO
    18.11.2026
    Капец падстава!
  • Былы
    18.11.2026
    Проблемы тех, кто живёт или затаривается в Польше.
    Видимо, здесь их много.
  • Подтверждаю
    18.11.2026
    Презервативы точно некачественные, рвутся и гнутся

Цяпер чытаюць

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Усе навіны →
Усе навіны

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой58

больш чытаных навін
больш лайканых навін

Від на Каложскую царкву безнадзейна сапсаваны33

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць