Культура22

У Беларусі знайшоўся каранаваны цудатворны абраз. Збіраюць грошы на яго рэстаўрацыю

Багата аздоблены твор мастацтва хавае нямала сакрэтаў. Што пра яго вядома і як можна дапамагчы. 

Калаж «Нашай Нівы». Фота: Хрысціянскі сацыяльны цэнтр

Старажытны абраз з’явіўся ў Хрысціянскім сацыяльным цэнтры ў Мінску, заснаваным каталіцкім ордэнам уршулянак. Сюды яго перадалі Павел Каралёў, вядомы мінскі краязнавец, і Юрый Кудзелін, якія адшукалі і ўратавалі святыню. 

Знаходка належыць да найбольш распаўсюджанага на ўсходнеславянскіх землях тыпу абразоў Маці Божай Адзігітрыі. Абраз намаляваны алеем на палатне. Разам з рамай памер абраза складае 129 х 106 см.

Абраз з шатамі і ў разной раме. Фота: Хрысціянскі сацыяльны цэнтр

Абраз быў выяўлены ў каштоўных металічных шатах, на якіх маецца надпіс 1775 года пра тое, што муж і жонка Сымон і Брыгіда з Дарэўскіх Вярыгаў Сіневічы ахвяравалі на іх сродкі. Гэта азначае, што самі шаты былі створаны ў другой палове XVIII стагоддзя, а сам абраз, верагодна, яшчэ больш даўні. 

У пачатку XX стагоддзя, у час панаўлення, яго часткова закрылі лінолеумам — новым на той час матэрыялам, ад якога засталося мноства цвікоў, якімі ён мацаваўся.

Пасля зняцця лінолеуму выявілася, што на палатне намалявана мноства кветак. Таксама быў выяўлены надпіс «DIVA VIRGO», што азначае «Найсвяцейшая Дзева». 

Кветкі на абразе. Фота: Хрысціянскі сацыяльны цэнтр

Наяўнасць карон на палатне і на шатах ускосна пацвярджае згадку пра цудатворны абраз. У каталіцтве карануюцца толькі асабліва шанаваныя, цудатворныя абразы Маці Божай. Літургічны акт каранавання звычайна ажыццяўляе сам Папа Рымскі ці дэлегаваны біскуп.

Пасля панаўлення ў пачатку XX стагоддзя стары абраз быў перапісаны. Дзякуючы рэнтгенаграме абраза ўдалося выявіць першапачатковы выгляд лікаў Дзевы Марыі і немаўляткі Хрыста.

На палатне ёсць страты, скразныя прарывы, пашкоджанне жывапіснага пласта, асабліва ў месцах злучэння дошак, якія патрабуюць неадкладнай рэстаўрацыі. Аднаўлення патрабуюць таксама шаты і вялікая разная драўляная рама.

Больш раннія лікі Маці Божай і немаўляткі Хрыста, якія былі выяўленыя, дзякуючы спецыяльнаму рэнтгену. Фота: Хрысціянскі сацыяльны цэнтр

Хрысціянскі сацыяльны цэнтр абвясціў збор грошай на рэстаўрацыю. Ахвярадаўцаў просяць паведамляць імёны, каб за іхняе спрыянне памаліліся. Пасля рэстаўрацыі адноўлены абраз будзе выстаўлены ў Цэнтры.

Грошы на рэстаўрацыйныя працы просяць ахвяроўваць на рахунак:

РА «Дабрачынная Місія Добрага Самараніна пад апекай Святой Урсулы Ледухоўскай»
Юрыдычны адрас: 220030,
г. Мінск, вул. Рэвалюцыйная, д. 1а, кв. 7
УНП 102366022, ОКПО 380087195000
р/счет BY63UNBS30151611900000001933
ЗАО «БСБ Банк», БИК UNBSBY2X,
пл. Свабоды, 4, 220030, Мінск

Увага. Абавязкова пазначайце ў пераводзе, што гэта ДОБРААХВОТНАЕ АХВЯРАВАННЕ НА РЭСТАЎРАЦЫЮ ІКОНЫ.

Каментары2

  • Беня
    21.08.2024
    Это к Федору & Со.
  • Мянтальныя нечыстоты
    21.08.2024
    У 21-м стагоддзі вось гэтае цемрашальства яшчэ існуе? Ды яшчэ нармальна (фінансава) пачуваецца! Нясіце ім свае грошыкі і цалуйце мошчы, рабы.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць