Грамадства120120

Пазняк прапанаваў, як вызваліць палітвязняў

Ён прапануе запрасіць на Захад прадстаўнікоў Мінска і «пагаварыць канкрэтна аб вызваленні палітвязняў».

Для вызвалення палітвязняў неабходна спрабаваць уступіць у перамовы з рэжымам Аляксандра Лукашэнкі і прапанаваць вярнуць амбасадараў заходніх краін. Такую думку выказаў лідар руху «Вольная Беларусь» Зянон Пазняк у эфіры ютуб-каналу Warta 23 жніўня, піша «Позірк».

Палітык прапанаваў разглядаць палітзняволеных як палонных на вайне.

«Ніхто не кантактуе з чыноўнікамі, ні з [міністрам замежных спраў Максімам] Рыжанковым не кантактуе. ⟨…⟩ Няма ніякіх перамоў. І значыць, будуць толькі лозунгі: «Вызваляйце палітвязняў, іначай мы вам граніцу перакрыем», — сказаў ён. — Яны (улады) чыхалі на гэта ўсё».

Выкарыстоўваць магчымасці могуць тыя, хто валодае «сродкамі абмену», адзначыў Пазняк.

«Што мы можам абмяняць? Санкцыі», — сказаў ён.

Палітык раскрытыкаваў прапанову сябра Каардынацыйнай рады палітолага Андрэя Ягорава часткова прызнаць легітымнасць Лукашэнкі ў абмен на вызваленне палітвязняў, назваўшы яе «лухтой, якая ні да чаго не прывядзе, акрамя толькі таго, што з людзей будуць смяяцца».

«Але тут ёсць рацыянальнае зерне, калі да гэтага падысці з веданнем юрыдычным і жаданнем палітычным», — дадаў кіраўнік «Вольнай Беларусі».

Паводле яго, з 1996 года ні адна выбарчая кампанія ў Беларусі не была прызнаныя Захадам: «І гэта была нелігітымная ўлада. А былі амбасады. ⟨…⟩ Па факце былі кантакты, і былі вынікі гэтых кантактаў. Але гэта не значыць, што яго (Лукашэнку) прызналі легітымным».

«Ну давайце, дайце магчымасць прызнання яго па факце. ⟨…⟩ Гэта значыць, што можна вярнуць амбасады некаторыя (г. зн. амбасадараў), некаторых прадстаўнікоў. Гэта дасць магчымасць некаторых яго чыноўнікаў запрасіць на Захад, таго ж самага міністра замежных спраў, якога ён прызначыў. І пагаварыць канкрэтна аб вызваленні палітвязняў, — заявіў палітык. — А размова такая: «Што вы хочаце [узамен]?» Іначай нічога не адбываецца. Гэта вайна».

***

16 жніўня стала вядома, што Лукашэнка памілаваў 30 чалавек (16 мужчын і 14 жанчын). Праваабаронцам вядомы прозвішчы 22 чалавек. Сярод іх журналістка Ксенія Луцкіна з пухлінай мозгу, Вольга Новікава, Ала Зуева, Вольга Стаброўская, 74-гадовы прафсаюзны лідар Васіль Бераснеў, Ірына Санкоўская, Кацярына Леў, Наталля Пятровіч, Тамара Каравай, Святлана Палуэктава, Яўген Чуміла. Учора стала вядома пра вызваленне Паўла Кучынскага — з чацвертай стадыяй анкалогіі.

Каментары120

  • Мініврачыха, Мініўчылка
    24.08.2024
    Галоўнае, нас спадар Пазьняк захавае. І дробнасярэдняе чынавенства. То можа быць і Пазьняк. Можам нават самыя ў сябе экзамен па мове прыняць.
  • Юрась Васкрасенскі
    24.08.2024
    Прыеду, і адразу падману Пазьняка, што ўчора ўсе палітвязьні ўзіраліся Панараму (хаця згодна з ананімнымі крыніцамі дваёх зь іх седзелі з заплюшчанымі вачыма)
  • Смаленская Народная Рэспубліка
    24.08.2024
    Дзякую спадару Пазьняку за падтрымку нашае сэцэсыі

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць