Свет33

Іранскаму блогеру прысудзілі 12 гадоў турмы за твіт з кропкай

У Іране мясцовага апазіцыйнага блогера Хасейна Шанбехзадэ прыгаварылі да 12 гадоў турмы за твіт з адной кропкай, які ён напісаў у адказ на пост вярхоўнага лідара краіны Алі Хаменеі. Пра гэта паведамляе Iran International са спасылкай на адваката апазіцыянера Аміра Раісіяна, піша «Радыё Свабода».

Хасэйн Шанбехзадэ
Хасэйн Шанбехзадэ

Шанбехзадэ напісаў свой твіт у траўні. Праз некалькі тыдняў, пасля таго, як твіт набраў значна больш лайкаў, чым пост Хаменеі, мужчыну арыштавалі.

31 жніўня адвакат Шанбехзадэ паведаміў, што ягоны падабаронны прыгавораны да пяці гадоў «за прапаганду на карысць Ізраіля», да чатырох — «за абразу ісламскіх святыняў», да двух — за «распаўсюджванне лжывай інфармацыі» і да яшчэ аднаго года за «антыдзяржаўную прапаганду».

Як расказаў Раісіян, з 12 гадоў тэрмін Шанбехзадэ павінен правесці ў турме пяць, пасля чаго зможа падаць прашэнне аб умоўна-датэрміновым вызваленні. Адвакат спадзяецца абскардзіць прысуд.

Па словах адваката, абвінавачанне не даказала віны Шанбехзадэ па самым цяжкім артыкуле.

У якасці доказаў віны па іншых артыкулах суд прывёў яго пасты ў падтрымку палітвязняў і адмены абавязковага нашэння хіджабу, выкарыстанне хэштэга «#НеПакараннямСмерці», крытыку іранскіх выбараў і выказванне радасці з нагоды смерці былога прэзідэнта краіны Эбрахіма Раісі.

У 2019 годзе Шанбехзадэ ўжо трапляў у турму — гэта адбылося пасля пратэстаў, якія пачаліся з-за шматразовага павелічэння цэнаў на паліва ў Іране. Тады апазіцыянера абвінавацілі ў абразе святыняў і лідара Ісламскай рэспублікі, а СМІ, звязаныя з Корпусам вартавых ісламскай рэвалюцыі, пісалі, што ён агент Масада.

Як адзначае Iran International, крытыкі іранскага рэжыму часта выкарыстоўваюць кропку і іншыя адзіночныя сімвалы, каб выказаць нязгоду з уладамі.

Каментары3

  • .
    03.09.2024
    Моцна, як за воплеск адной рукой інваліда ў нас.
  • Капец
    03.09.2024
    Капец. Хаця ў нас практычна тое ж самае.
  • Доколе?
    03.09.2024
    Калі ўжо нарэшце здохне той Хамейні?

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю21

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся63

Былога супрацоўніка КДБ з польскім грамадзянствам асудзілі да 14 гадоў9

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю21

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць