Грамадства22

Міністр унутраных спраў Літвы назвала, колькі беларусаў давялося прымусова выслаць назад у краіну

За 2023 год Дэпартамент дзяржаўнай бяспекі Літвы прызнаў 1421 грамадзяніна Беларусі пагрозай нацыянальнай бяспецы. Цягам 2024 года — 224 чалавекі. Як вынікае са слоў міністра ўнутраных спраў Літвы Агнэ Білатайце, некаторых з гэтага спісу давялося прымусова вывозіць з Літвы ў Беларусь.

Ілюстрацыйны здымак. Фота: Пагранкамітэт Беларусі

У якіх беларусах Літва бачыць пагрозу?

Як правіла, Дэпартамент дзяржаўнай бяспекі Літвы прызнае пагрозай тых беларусаў, якія раней служылі па кантракце ў шэрагах МУС Беларусі, у войску або іншых сілавых ведамствах, займалі высокія пасады ў дзяржаўных структурах або з'яўляюцца «кашалькамі» рэжыму Лукашэнкі.

Людзі, якіх Літва прызнае пагрозай нацыянальнай бяспецы, мусяць пакінуць яе тэрыторыю.

Колькі чалавек адмовілася з'ехаць добраахвотна?

У рэпартажы канала ТВ3 міністр унутраных спраў Літвы Агнэ Білатайце паведаміла журналістам, што на дадзены момант ёсць 9 выпадкаў, калі Служба аховы дзяржаўнай мяжы прымусова выслала такіх беларусаў з Літвы.

Кіраўнік аддзела міграцыі Аўдрус Шантарас у тым жа эфіры патлумачыў, што, паколькі чалавек уяўляе пагрозу грамадству, яго дастаўляюць да дзяржаўнай мяжы, дзе ён сам праходзіць пагранічны кантроль і пакідае тэрыторыю Літвы, з'язджаючы ў Беларусь.

Пры гэтым варта адзначыць, што высылцы з Літвы не падлягаюць тыя грамадзяне Беларусі, якія атрымалі ДНЖ на гуманітарных падставах.

Яскравы прыклад — кейс з актывісткай Вольгай Карач. Хоць яе і прызналі пагрозай нацыянальнай бяспецы, ёй выдалі новы ДНЖ на гуманітарных падставах і не сталі патрабаваць ад яе пакінуць краіну праз пагрозу палітычнага пераследу ў Беларусі. 

Нагадаем, у Беларусі Вользе Карач завочна прысудзілі 12 гадоў пазбаўлення волі.

Кіраўнік «Байсол» Андрэй Стрыжак у каментары «Нашай Ніве» сказаў, што ім невядомы выпадкі, калі прымусова высланыя з Літвы беларусы пасля трапілі пад крымінальны пераслед на радзіме па палітычных матывах.

Па стане на 1 ліпеня 2024 года 62 535 беларусаў маюць дзейны літоўскі дазвол на жыхарства.

Каментары2

  • Комба ЛССР
    11.10.2024
    Гендэрная квота, прэзумпцыйна вінаватае (немаведама ў чым) "чалавек пагроза грамадзтву", і побач дазвол адной з "пагозаў" пагражаць, стрыжакі-нязнайкі.
  • Ябабошачка
    11.10.2024
    Кейс з Карач яскрава дэманструе ўзровень адэкватнасці літоўскіх палітыкаў і "органаў".

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць