Грамадства1111

«Уціхамірцеся!» Азаронак кінуўся абараняць беларускія вуліцы ад Бондаравай. Але матывы ў яго свае

Прарасійскія актывісты разам з даносчыцай Вольгай Бондаравай зноў пачалі абурацца беларускай мовай у горадзе. Іх скаргаў пра «дэрусіфікацыю» на гэты раз не вытрымаў прапагандыст Рыгор Азаронак.

Шыльды на мінскіх вуліцах. Фота: тэлеграм-канал Азаронка

Праўда, ён не столькі рашыў абараніць беларускую мову, колькі «не даць унесці раскол у Саюзную дзяржаву».

«Цэнтр Мінска. Руская і беларуская. Так паўсюль.

Хачу папярэдзіць кончаных правакатараў, якія ўносяць раскол у Саюзную дзяржаву — ніхто гэтага трываць больш не будзе», — напісаў Азаронак і прыклаў фота з цэнтра Мінска.

«Гуляем па Мінску. Шукаем дэрусіфікацыю. Уціхамірцеся (…). Па добраму ж папярэджваюць вас. Гадзіць у расійскіх каналах вам ніхто не дазволіць. (…) Правакацыі супраць Саюза Беларусі і Расіі будуць жорстка спыненыя і ў Беларусі, і ў Расіі», — змясціў Азаронак яшчэ адзін допіс.

@nashaniva Азаронак кінуўся абараняць беларускія вуліцы ад Бондаравай #новости #политика #азаренок #бондарева #минск #улицы #белорусский #мова #беларускаямова #мовамаєзначення #беларусь ♬ Baby Elephant Walk - Henry Mancini

Бондарава і яе паплечнікі ў адказ пачалі наперабой публікаваць шыльды з беларускай мовай на вуліцах, каб даказаць, што рускую мову «ўшчамляюць».

«Характэрна, што абарончы роў выйшаў на новы ўзровень пасля таго, як грамадзяне пабывалі на асабістым прыёме ў парламенце і пакінулі дэпутатам пісьмовыя звароты з фактамі адсутнасці рускай мовы ў дарожных паказальніках і адрасных таблічках дамоў і наяўнасці замест яе надпісаў на польскай, англійскай, лацінцы.

Трэба разумець, што гэта такі неафіцыйны адказ дадзены грамадзянам, так?» — напісала Бондарава.

Яна абурылася абразамі ад Азаронка і іншых прапагандыстаў, якія прагучалі ў яе бок: «Маргіналізуюць самым ганебным чынам».

«На сённяшні дзень мы бачым агідныя вычварэнствы рускамоўных слоў у назвах геаграфічных аб'ектаў: вул. Вызваления, Мазыр Павночный, вул. Костричницкая і г. д. Да чаго гэта?

Мы расцэньваем гэта як яшчэ адзін крок да дэрусіфікацыі: у наяўнасці спробаў поўнага адыходу ад нармальнай рускай мовы ў назвах геаграфічных аб'ектаў у краіне, дзе раўнапраўны статус абедзвюх дзяржаўных моў замацаваны заканадаўча — у Канстытуцыі Рэспублікі Беларусь», — не збіраецца здавацца Бондарава.

Каментары11

  • Беларускі тэрарыст
    10.11.2024
    Расейшчына павінна быць знішчана! Беларускі бізнэс падтрымлівае беларусізацыю супраць камуністау́ і рускамоу́ных.
  • Daily reminder
    10.11.2024
    А ў бабарыканцаў на старонцы партыі "Вместе" далей вісіць:

    "Русский язык – это наш культурный, социальный, исторический, научный, экономический актив, который на протяжении многих лет помогал беларусам развиваться, расти, быть частью великих достижений, открытий и свершений"
  • Ёсік
    10.11.2024
    дзе раўнапраўны статус абедзвюх дзяржаўных моў замацаваны заканадаўча — у Канстытуцыі Рэспублікі Беларусь», — не збіраецца здавацца Бондарава. Дык чаму вы спыняеце беларускамоўнага грамадзяніна і нешта пі.дзіце наконт расейскай мовы? Ён карыстаецца беларускай мовай, і не абавязаны вам, дурням неадукаваным, нешта тлумачыць па-расейску. Прыбярыце сваё дзэканьне ды цэканьне, тады мо расейцы прызнаюць амаль рускімі са знакам якасьці. Няма ў сьвеце аніводнай краіны, каб так зьдзекваліся з мовы тытульнай нацыі. Бо неадукаваны вясковец не змог ані воднай мовы вывучыць, а каб у яго бок менш паказвалі, зрабіў выснову, што беларуская мова бедненькая. Для Быкава, Гілевіча, Багдановіча, Коласа, Купалы ды іншых гэта цудоўная, пявучая мова, а для дыктатара яна бедненькая. Ні кім з аліевым, ні бердымухамедаў не зьнішчаюць сваю бацькаўшчыну і мову, як гэта робіць лукашэнка.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць