Усяго патроху44

У Польшчы ёсць свае сёстры Груздзевы — сёстры Гадлеўскія ВІДЭА

Дзяўчаты праславіліся знешнім выглядам і выкананнем кавераў не толькі на вядомыя песні, але і гімн Польшчы.

siostry Godlewskie сёстры Гадлеўскія Сёстры Годлевские
Малгажата (злева) і Эсмеральда Гадлеўскія. Фота: siostrygodlewskie / Instagram

Малгажата (Гося) і Эсмеральда (Моніка) у 2018-2019 гадах былі вельмі папулярныя ў Польшчы. На іх гісторыю звярнулі ўвагу аўтары ютуб-шоу «О(б)суждаем».

Вядома, што дзяўчаты нарадзіліся ў шматдзетнай сям'і. Яны маюць яшчэ трох сясцёр і траіх братоў. Шлях да папулярнасці пачаўся ў канцы 2017 года, калі Малгажата выканала адну з песень Селін Дыён і выклала запіс у сацыяльных сетках. Пазней яна працягнула рабіць каверы на іншыя песні разам са сваёй сястрой Эсмеральдай, якая да гэтага ўжо спрабавала прабіцца ў шоу-бізнэс.

siostry Godlewskie сёстры Гадлеўскія Сёстры Годлевские
Малгажата (злева) і Эсмеральда Гадлеўскія. Фота: siostrygodlewskie / Instagram

Эсмеральда, напрыклад, прымала ўдзел у шоу Ex na plaży — польскай версіі папулярнага брытанскага рэаліці-шоу Ex on the Beach. У шоу Эсмеральда прэзентавала сябе як «упэўненую ў сабе разведзеную жанчыну, якая цвёрда стаіць на нагах і любіць маніпуляваць мужчынамі».

Сёстры выпусцілі некалькі сумесных трэкаў. Сярод іх — віншаванне з днём нараджэння прэзідэнта Польшчы Анджэя Дуды. Пры сумнеўных вакальных даных жанчыны звярталі на сябе ўвагу пластыкай твару. У гэтым іх кансультавала старэйшая сястра Магдалена.

Сёстры Гадлеўскія віншуюць з днём нараджэння прэзідэнта Польшчы Анджэя Дуду.

Неўзабаве дзяўчаты пачалі з'яўляцца на варшаўскіх свецкіх мерапрыемствах, удзельнічаць у ранішніх шоу і іншых тэлевізійных праграмах, пашыраючы сваю аўдыторыю.

Сёстры Гадлеўскія выконваюць гімн Польшчы

У 2018 годзе сёстры Гадлеўскія анансавалі свае першыя канцэрты па ўсёй Польшчы. Але ні адзін з іх не адбыўся. Пазней яны анансавалі выступ з сімфанічным аркестрам пад кіраўніцтвам знакамітага нямецкага кампазітара і музычнага прадзюсара Ханса Цымера. Але далей за размовы справа не пайшла.

Дуэт Малгажаты і Эсмеральды існаваў да 2019 года, пакуль паміж сёстрамі не адбыўся канфлікт.

Як пісалі польскія СМІ, Гадлеўскія павінны былі ляцець у Амстэрдам на канцэрт, але пасварыліся ў варшаўскім аэрапорце імя Шапэна. Яны прыехалі туды п'яныя. Невядома, як іх пусцілі на борт самалёта, але там яны чапляліся да пасажыраў і тузаліся адна з адной. У выніку пілот развярнуў самалёт з узлётнай паласы. Сясцёр знялі з борта, і пазней яны мусілі выплаціць штраф.

Пасля гэтага сумесныя выступленні сясцёр скончыліся. Эсмеральда (Моніка) пачала ўдзельнічаць у фрык-бойках. У 2021 годзе яна адкрыта расказала пра сваю барацьбу з дэпрэсіяй: з-за сур'ёзнай залежнасці ад лекаў і алкаголю ёй давялося лячыцца ў псіхіятрычнай бальніцы. Але ўдзел у фрык-бойках дапамог росту яе папулярнасці. Сёння Instagram-акаўнт Эсмеральды мае амаль паўмільёна падпісчыкаў.

Малгажата яшчэ спрабавала працягваць спяваць. Яна нават запісала кліп, у якім выканала гімн Савецкага Саюза. Пазней дзяўчына закончыла Варшаўскі медыцынскі ўніверсітэт і некалькі гадоў працавала медсястрой. У 2021 годзе яна нават была адзначана міністрам аховы здароўя Польшчы за ўклад у барацьбу з пандэміяй. Аднак праз некаторы час жанчына паведаміла, што яе звольнілі.

У сакавіку 2023 года Эсмеральда заявіла аб знікненні Малгажаты. Дзякуючы ўмяшанню паліцыі, дзяўчына была знойдзена. Увосень 2023 года Малгажата апублікавала фатаграфію, якая сведчыць аб яе вяртанні ў сферу аховы здароўя.

Каментары4

  • Не служыў
    02.12.2024
    Звычайныя жанчыны, якія шукаюць сябе. Як іх можна параўноўваць з Груздзевымі, якія прыслужваюць дыктатарскім рэжымам?
  • .
    03.12.2024
    Тая ж беспрынцыпнасць. Нават пра СССР гатовыя спяваць.
    Розніца толькі ў тым, што ў Польшчы гэта не пракаціла.
  • Паслухайце, што яна кажа
    05.12.2024
    ., яна ж дзякуе за тое, што імперыя Савецкі Саюз распалася і тым самым краіны ўсходняй Еўропы апынуліся з сацыялізму ў капіталізме.
    Нармальная патрыятычная прапольская, антысавецкая пазіцыя. "Дзякуй СССР, што разваліўся".

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць