Грамадства1919

Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні

Святлане Скаражонак было ўсяго 29 гадоў. Пра яе смерць стала вядома ў пачатку студзеня 2021 года.

Святлана Скаражонак​. Фота: «На страже»

Святлана Скаражонак была супрацоўніцай жаночага ўзвода мінскага АМАП. Бадай, самай публічнай. Пра яе кар’ерны шлях шмат разоў расказвалі дзяржаўныя СМІ.

Яе бацька быў памежнікам, у савецкі час служыў у Афганістане і Туркменістане. Маці — культработніца. Сама Святлана нарадзілася ў Нясвіжы. У сям'і дзяўчына была адзіным дзіцем.

Скончыўшы факультэт філасофіі і сацыяльных навук БДУ, Святлана прайшла падрыхтоўку ў навучальным цэнтры МУС, а ў 2014 годзе рэалізавала студэнцкую мару і стала служыць у АМАП.

@nashaniva Што здарылася з міліцыянткай? #несвид #беларусь #нашаніва #мова #беларусьновости #новостибеларуси #минсксейчас ♬ Crime Scene - Avery Alexander

Пра яе смерць стала вядома ў пачатку студзеня 2021 года з некралога ў газеце «На страже». Прэс-служба МУС спачатку пакінула пытанне пра смерць Скаражонак без каментароў.

Тады ж папаўзлі чуткі пра тое, што дзяўчыну да смерці збіў яе муж, які таксама служыў у АМАП. У красавіку 2021 года ў МУС заявілі, што гэта «поўная дэзынфармацыя», а Святлана памерла «ад хваробы».

«Мы разбіраліся для сябе, цалкам паднялі ўсю інфармацыю. Супрацоўнік АМАП яе не забіў дакладна», — адказвалі ў МУС.

З базы даных памерлых жыхароў Беларусі, якую атрымалі «Кіберпартызаны», стала вядома, што Святлана памерла 31 снежня 2020 года — на самы Новы год. У прычынах смерці пазначаны код R99 — «іншыя недакладна пазначаныя і неўдакладненыя прычыны смерці».

Можна меркаваць, што калі б яна насамрэч памерла ад хранічнай хваробы, то няпэўнасці ў медыкаў было б менш.

Тым не менш дакладнага адказу на пытанне, што ж здарылася 31 снежня 2020 года ў кватэры маладой жанчыны, дагэтуль няма.

Раней судмедэкспертка тлумачыла ў каментары «Люстэрку», што такі код — R99 — звычайна выкарыстоўваюць у выпадках, калі было праведзена ўскрыццё цела, каб высветліць дакладную прычыну смерці чалавека, але на момант ускрыцця прычына смерці застаецца дакладна не зразумелай або выклікае сумневы.

«Што менавіта ён [доктар] можа падазраваць: захворванне ці гвалтоўную прычыну смерці, — на гэтым этапе невядома нікому, акрамя самога доктара», — тлумачыла судмедэкспертка.

Аналагічны код стаіць у пасведчаннях аб смерці Вітольда Ашурка і Уладзіміра Макея. І ў той, і ў іншай гісторыі ў грамадства засталося шмат пытанняў.

Каментары19

  • Бог не цяля……
    22.12.2024
    [Рэд. выдалена]
  • Яська
    22.12.2024
    Яна пайшла ў АМАП у 2014, пасля збіцця шэсця Някляева карпенкоўцамі, разгону плошчы-2010 і рэпрэсій першай паловы 2011. Таму ні кроплі не шкада.
  • Ё
    22.12.2024
    Можа хопіць светлае імя Вітольда Ашурка мяшаць з гэбэшнікам Макеем і супрацоўнікамі Амапа? Маўляў "мы не знаем всей правды, не всё так однозначно". Вітольда катавалі і забілі ў турме. Кропка. А на Макея і вось гэтую, неяк пофік.

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць