Спорт11

Тэлетрансляцыя са стадыёна ў Мінску, які ў 2021 годзе адкрываў Лукашэнка, «небяспечная для здароўя аператараў»

13 сакавіка ў Беларусі стартаваў новы футбольны сезон: прайшоў першы тур сёлетняга чэмпіянату краіны. Між тым у эфіры спартыўнага тэлеканала «Беларусь 5» ніводзін матч не паказалі. Гэта «выклікала вялікі грамадскі рэзананс», а таму на тэлеканале патлумачылі, чаму так адбылося, піша «Прессбол».

Лукашэнка падчас адкрыцця стадыёна «Дынама-Юні» ў 2021 годзе. Фота: БелТА

Перадусім тэлевізійшчыкі ківаюць на тэхнічныя праблемы. Маўляў, да 1 мая рэгламент дазваляе камандам праводзіць матчы на стадыёнах са штучным пакрыццём, а яны звычайна не прыстасаваныя да патрэб тэлетрансляцыі.

Здзіўляе, аднак, што да такіх аб'ектаў належыць і мінскі стадыён, які з помпай у пачатку верасня 2021 года адкрываў сам Лукашэнка:

«Чэмпіён краіны ў цэнтр сталіцы пакуль перабірацца не плануе і туліцца на ўскраіне Мінска, на стадыёне «Дынама-Юні». Адтуль тэлепаказ немагчымы і, як паказала дэталёвае абследаванне арэны, небяспечны для здароўя аператараў і тэхнічнага персаналу», — гаворыцца пра матч мінскага «Дынама» з клубам «Смаргонь».

Між тым у 2021 годзе падчас адкрыцця з удзелам Лукашэнкі прапагандысты захоплена распісвалі перавагі гэтага аб'екта, які да таго рэканструяваўся ажно 10 гадоў:

«На тэрыторыі стадыёна функцыянуюць тры палі са штучным пакрыццём і знешнім асвятленнем, трыбуны на 5,2 тыс. гледачоў, пункты грамадскага харчавання, кабінет меддапамогі, зала для прэс-канферэнцый, пакой допінг-кантролю, адміністрацыйна-бытавы блок, які ўключае 13 гатэльных нумароў на 28 чалавек для пастаяннага пражывання і навучання таленавітых дзяцей з рэгіёнаў Беларусі, два абсталяваныя навучальныя класы, трэнажорная зала».

І вось з такога зусім свежага «наварочанага» аб'екта, аказваецца, арганізацыя трансляцыі не толькі немагчымая, але нават і небяспечная для здароўя людзей, якія спрабавалі б яе арганізаваць.

Каментары1

  • Акупацыя гэта..
    18.03.2025
    Затое некалькі маскальскіх гульняў у праграме было, глядзець іх вядома не будзем.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць