Эканоміка2828

Ні бульбы, ні капусты. У многіх крамах знікла гародніна, на базарах цэны зашкальваюць

Людзі ў шоку ад таго, што простую гародніну даводзіцца шукаць, тады як экзатычнай — заваліся.

— Зайшоў у «Хіт» ля дома: пусты латок і цэннік над ім: «Капуста, 1,3 рубля». Цэннік ёсць, капусты няма. Зайшоў у «Суседзі» і «Грошык» — і там ні капусты, ні бульбы, — расказаў «Нашай Ніве» наш чытач з Мінска. — Папрасіў жонку заехаць у гіпермаркет — дык яна толькі ў трэцяй вялікай краме нарэшце знайшла капусту! Каштавала тая каля 4 рублёў за кілаграм.

— Шчыра кажучы, я была ў шоку, — расказвае іншая мінчанка. — У магазіне было два варыянты: карычневая бульба і крыху чырвоная. Розніца выключна ў цане — 2 капейкі. Уся дробная і зморшчаная, як смушкі. Я нават 10 бульбін больш-менш прыстойных не змагла адшукаць. Думала, недзе побач павінна стаяць прыгожая бульба, няхай і даражэйшая. Дык не! Прадавачка сказала, усё, што ёсць — у зале. Смак аказаўся жудасны — быццам не пюрэ, а вату ясі. 

У Калінкавічах, пішуць у сацсетках, амаль у любой краме можна лёгка набыць экзатычную садавіну кшталту грэйпфрута ці бананаў, але бульбу і капусту складана знайсці нават у супермаркетах.

У Гродне скардзяцца, што ў «Грошыку» бульба такая дробная, што нават казаць няма пра што. На базары ж ёсць прыстойная па 3 рублі.

На сайце папулярнага сэрвісу дастаўкі ежы «Е-дастаўка» ў наяўнасці ёсць толькі хутказамарожаныя бульбяныя кубікі ды цёртая бульба для дранікаў. Свежай белакачаннай капусты няма.

На сайце дастаўкі гіпермаркета «Грын» ёсць бульба па 1,08 і 3,99 рубля (больш дарагі варыянт — мытая бульба). А вось звычайнай капусты няма.

На Камароўцы, адзначаюць мінчукі, капуста ёсць, але варыянтаў няшмат. Прадаецца капуста з Узбекістана па цане ад 6,5 да 7 рублёў і з Ірана па 7 рублёў за кілаграм. Беларуская бульба тут каштуе прыблізна ад 3,4 да 4,5 рубля, але вельмі дробную можна знайсці і па 3 рублі за кілаграм.

У рэгіёнах сітуацыя не вельмі адрозніваецца.

А што ж у краінах-суседках, дзе, калі верыць расказам беларускіх прапагандыстаў, у крамах пустыя паліцы? Напрыклад, у Літве на дастаўцы Barbora шмат бульбы розных сартоў, літоўскай. Каштуе яна ад 0,28 еўра (прыкладна ад рубля) за кілаграм. 

Маладая капуста каштуе 1,39 еўра за кілаграм (каля 4,9 рубля).

Маладая капуста ў невялікай літоўскай краме цяпер каштуе 1,39 еўра за кілаграм (каля 4,9 рубля)

На сайце польскага «Ашана» таксама бульбы шмат. Цэны ад 2,58 да 7,26 злотага (ад 2,1 да 6 рублёў) за кілаграм. Капуста каштуе 3,99 злотага (прыблізна 3,3 рубля) за кілаграм.

Варта адзначыць, што сярэдні заробак у Літве і Польшчы прыкладна ў 2,5 разу вышэйшы, чым у Беларусі.

Каментары28

  • даведка
    16.04.2025
    Первый хлеб белорусского производства уже есть невозможно, второго вообще нет.
  • даведка
    16.04.2025
    В Беларуси уже в нача апреля закончились белорусские яблоки. Увидел в «Хите» огромные яблоки по 4 рубля с копейками, думал, что белорусски придержали до максимально высоких цен. Ан нет, это такие симпатичные уже импорт из Польши.
    И как только закончились дорогие белорусские, сразу начали дешеветь апельсины.)
  • Крычаўскі шчупак
    16.04.2025
    Уся гардніна вывозіцца лукашэнкаўцамі на пракорм расейскай арміі. Каля мільёна мужчын не працуюць, а чакаюць у акопах, калі іх заб'юць і пры гэтым хочуць есці.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся60

Былога супрацоўніка КДБ з польскім грамадзянствам асудзілі да 14 гадоў9

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць