Грамадства77

Беларусу выдалі вельмі нетыповую польскую візу. Яна на працяглы тэрмін, але часта з ёй не паездзіш

Днямі адна з мінскіх кампаній, якая дапамагае з афармленнем шэнгенскіх візаў, апублікавала на сваёй старонцы ў Threads польскую працоўную візу, якую выдалі грамадзяніну Беларусі. Яна аказалася нетыповай і рэдкай, піша «Люстэрка».

Двухразовая працоўная віза, май 2025-га. Скрыншот: Threads адной з мінскіх кампаній, якая дапамагае ў падачы на візы

«Гэта двухразовая нацыянальная віза тэрмінам на 365 дзён», — адзначае візавая экспертка Анастасія Лысакоўская.

Паводле яе слоў, за сем гадоў практыкі падобнае рашэнне яна сустракае ўпершыню.

На гэты момант пост з фота незвычайнай візы выдалены, але здымак ужо разышоўся па сацсетках.

Лысакоўская кажа, што такую візу сапраўды выдалі і яе актыўна абмяркоўваюць сярод экспертаў. Што ў ёй нетыповага?

«Звычайна нацыянальную (чытай, працоўную) візу Польшчы даюць на 365 дзён са шматразовым уездам. Тэрміны знаходжання маглі скараціць з-за заканчэння дзеяння пашпарта, напрыклад.

У сваёй практыцы сустракала выпадкі, калі візу давалі на 180 дзён ці 320, але яна ўсё адно была шматразовай, гэта значыць без абмежавання колькасці ўездаў, — тлумачыць Анастасія. — Тут жа мы бачым, што ўладальнік мае права за год уехаць у Шэнгенскую зону толькі двойчы, далей віза будзе пагашаная».

Лысакоўская кажа, што калі такія візы пачнуць выдаваць часцей, то першыя, у каго могуць узнікнуць складанасці, — гэта кіроўцы. Бо іхняя праца звязаная з пастаянным перасячэннем межаў.

У параўнанні са шматразовым дазволам на ўезд, двухразовы мае свае мінусы, адзначае экспертка.

«Напрыклад, па ім ужо не паездзіш вырашыць пытанні ў Беларусь або ў камандзіроўкі на Кіпр. Прыехаўшы ў Польшчу, ўладальніку такой візы трэба працаўладкавацца, запусціць працэс легалізацыі і чакаць «карту пабыту». Толькі атрымаўшы яе, чалавек зможа быць больш свабодным у сваіх рухах», — расказаае суразмоўца.

Чаму такія візы сталі выдаваць?

«Я і калегі, з якімі маю зносіны, пакуль упершыню бачылі візу падобнага ўзору. Ці стануць яны масавымі, не ведаем, — разважае экспертка. — Чаму іх могуць пачаць выдаваць? Магчыма, гэта звязана з палітыкай узмацнення строгасці выдачы міграцыйных візаў.

Як мне здаецца, для ўрада Польшчы тут ёсць свае плюсы. З дапамогай такіх рашэнняў яны скарачаюць магчымасці нямэтавага выкарыстання падобных віз. Людзі больш не змогуць катацца з імі «на закупы» або ў ролі турыстаў. Акрамя таго, такі дакумент матывуе іх уладальнікаў легалізавацца адразу пасля прыезду ў Польшчу».

Каментары7

  • Ганка
    11.05.2025
    Зеркало па-беларуску – люстра. Люстэрка – гэта зеркальце.
  • Буба
    11.05.2025
    Яшчэ год таму працоўныя польскія візы ў Грузіі беларусам выдаваліся 50/50 на 2 уезды, ці мульці. Экспертам вашым, варта было б час ад часу са сваіх экспертных бурбалак вылазіць o_O
  • Жора
    11.05.2025
    Дар’я, акрамя дыктатуры, колькі мільёнаў беларусаў засталося ў Беларусі? Вы іх усіх абвінавачваеце ў фінансаванні дыктатуры? Усе яны для вас ворагі?

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць