Грамадства11

Лукашэнка правёў нараду наконт уступнай кампаніі

«Сістэма правядзення ўступнай кампаніі ў ВНУ і экзаменаў у школах павінна пераконваць людзей у справядлівасці», — заявіў сёння Аляксандр Лукашэнка заявіў, заслухоўваючы даклад па ўступнай кампаніі, піша БелТА.

На даклад да Лукашэнкі прыйшлі віцэ-прэм’ер Наталля Пяткевіч, якая ўзначальвае дзяржаўную камісію па кантролі за ходам падрыхтоўкі і правядзення ўступнай кампаніі, першы намеснік кіраўніка Адміністрацыі Уладзімір Пярцоў, міністр адукацыі Андрэй Іванец і старшыня КДК Васіль Герасімаў 

«Проста трэба бацькам і абітурыентам разумець, што ўсё будзе сумленна. Не трэба ісці на нейкія хітрыкі. Прыходзіць у аўдыторыю для здачы экзаменаў трэба са сваімі ведамі. Веданне плюс удача — і будзеш вучыцца ў ВНУ. Прынамсі, калі нейкая выпадковасць, мы, Наталля Уладзіміраўна, падумаем над тым, каб гэтых выпадковасцяў пазбегнуць. І калі нешта здарыцца, мы павінны гэта бачыць — паглядзець на тых людзей, якія, можа, да нас звернуцца, каб мы яшчэ раз паглядзелі на іх веды. Напэўна, дзесьці кагосьці страцім. Але страчваць мы не павінны. Не трэба ў гэтай сітуацыі пакрыўдзіць сем’і і, самае галоўнае, маладога чалавека, які становіцца на нармальны жыццёвы шлях», — запатрабаваў Лукашэнка.

Ён, у прыватнасці, пацікавіўся, як прайшоў цэнтралізаваны экзамен і ці апраўдала сябе гэтае новаўвядзенне. «Калі апраўдала, то ў чым? Толькі шчыра. Калі дзесьці памыліліся, трэба гэтую сітуацыю выпраўляць. Ні ў якім разе яе нельга рэтушыраваць, бо гэта вельмі сур’ёзная справа», — падкрэсліў ён.

Як было паведамлена, уступная кампанія ў гэтым годзе не зведала значных зменаў і праходзіць па ўсталяваным алгарытме.

«Але існуе, хоць і невялікі (адзін з паловай — два працэнты), недабор на бюджэтныя месцы. Мы павінны прымаць меры, каб гэтыя месцы былі занятыя. Мы ж рыхтуем за кошт бюджэту тых спецыялістаў, якія вельмі патрэбныя для народнай гаспадаркі. Мінaдукацыі, урад — як у гэтым напрамку працуеце? Што зрабілі і што трэба зрабіць?» — спытаў Лукашэнка.

Ён нагадаў пра патрабаванне забяспечыць празрыстасць уступнай кампаніі. Паводле яго слоў, важна не страціць магчымасць убачыць кожнага абітурыента.

«Шмат пра гэта гаворым. Гэта ўсё добра — цэнтралізаваныя экзамены, тэсціраванне і іншае. Але мы самі памятаем працэс здачы экзаменаў і станоўча ацэньваем, калі выкладчык і абітурыент сядзяць адзін насупраць аднаго, і выкладчык бачыць гэтага абітурыента. Ці ўсё зроблена для гэтай празрыстасці? Гэта галоўны элемент справядлівасці», — дадаў Аляксандр Лукашэнка.

Каментары1

  • развал и деградация всюду
    30.05.2025
    Развалил медицину, развалил образование, развалил страну.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць