Грамадства66

Памёр аршанец Андрэй Корпс — наркаман, які спрабаваў ратаваць ад наркотыкаў іншых

Аршанскі праваабаронца Ігар Казмерчак напісаў у фэйсбуку пра смерць Андрэя Корпса — чалавека, які, апусціўшыся на самае жыццёвае дно, спрабаваў не толькі выплыць на паверхню сам, але і ўратаваць ад паўтарэння сваіх памылак іншых. Яму было ўсяго 44 гады.

Андрэй Корпс у 2019 годзе. Фота: Tut.by

Андрэй Корпс — гэта мянушка вядомага ў Оршы «нефармала-металіста». Андрэй быў адным з самых вядомых у Оршы тусовачных аматараў цяжкага металу — тым, каго называлі «металістамі», піша тэлеграм-канал «Витебск, я гуляю!»

Корпс палову жыцця ўжываў наркотыкі, правёў 5,5 года ў турме па «прафесійным» артыкуле 328. Пакінуўшы сям’ю, зрабіў з кватэры прытон. Але каля дзесяці гадоў таму вырашыў «завязаць» — казаў, што «Бог з неба пальцам пагразіў».

Пасля таго Андрэй стаў вядомы ў Оршы тым, што самастойна зафарбоўваў наркатычныя графіці на сценах дамоў, гаражоў і пад'ездаў. Ён насіў з сабой фарбу і пэндзаль, каб знішчаць надпісы, якія рэкламуюць інтэрнэт-крамы з наркотыкамі. Для яго гэта была барацьба не толькі з незаконнай рэкламай, але і з самім сабой. Так ён умацоўваў сваю цвярозасць.

Андрэй Корпс за працай. Фота: Tut.by

Андрэй падкрэсліваў, што залежнасць не знікае: «Былых наркаманаў не бывае».

Але яго трымала пры цвярозым жыцці жаданне быць з сям’ёй, асабліва з малодшай дачкой. А зафарбоўванне графіці ён лічыў формай самадысцыпліны і адказнасці перад грамадствам.

Ігар Казмерчак на вестку пра смерць Андрэя Корпса піша:

«Мне шкада, што ты памёр. Я не чакаў гэтага, я не хацеў гэтага. Я думаў, што калі я вярнуся ў Беларусь, то мы з табой рэалізуем шмат якія антынаркатычныя праекты.

Я думаў, што ты, як былы наркаман, рэалізуеш маю ранейшую ідэю: пойдзеш па школах і будзеш расказваць, наколькі наркотыкі кепскія. Ты ж класна мог гэта распавесці з тваім досведам, з тваім жыццём. Прабач, з тваімі сапсаванымі наркотыкамі і турмой зубамі.

Андрэй Корпс за працай. Фота: Tut.by

Я так думаю, бо ты першы ў Оршы, хто пачаў змагацца супраць наркотыкаў на сценах дамоў. Я тады ўвогуле не разумеў, што такое балонамі пішуць. А ты прыйшоў да мяне і сказаў: дай мне балоны. Я, шчыра, не памятаю ці даў табе балоны, ці даў табе пэндзлі і фарбу. Помню, што нешта даў. А што, зараз не памятаю.

А самае смешнае, ты ж пагодзішся, калі ты пачаў хадзіць і зафарбаўваць гэтыя надпісы, што цябе потым цягалі мянты і казалі: на хера ты гэта робіш, хто табе заплаціў?!!!! А я помню, як мы з табой асабіста разважалі. І ты мне тлумачыў: проста нельга, каб людзі наркату ўжывалі.

Памятаю, як цябе яшчэ па палітычным затрымлівалі, бо ты актывіст. Актывіст-адзіночка, але гэтага хапіла. Ну, ці актывіст, знаёмы з Казмерчаком. Што таксама, канешне, злачынства.

Цяпер ты памёр. Мне не падабаецца, як ты памёр. Але за тваю работу тут у Оршы я цябе паважаю і трохі люблю. Не, не трохі, я цябе люблю за тваю работу! Я веру, што ты выратаваў многіх людзей ад наркаты».

Прычыну смерці Андрэя Корпса Ігар Казмерчак не называе.

Каментары6

  • Малдэр
    12.06.2025
    Вечны спакой табе, сталкер.
  • Меркаванне
    13.06.2025
    Я думаю, гэтыя наркатычныя рэкламы самі мянты і робяць. Ну ці нехта па іх указке.
  • сляпы
    13.06.2025
    любы вопытны у гэтым мент ненавідзіць спецслужбы, бо без наркаты і прастытуцыі яны не могуць.

    была б у Беларусі свая атамная бомба, паток наркаты скараціўся б у разы.

    вайскоўцы сруцца стаць супраць RF, бо слабыя, а без гэтага не усталяваць мяжы на усходзе.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць