Грамадства22

У якія краіны для беларусаў найбольш дарагія турыстычныя візы? Лідар нечаканы

Беларусам, якія плануюць падарожжы, варта ведаць, што кошт атрымання турыстычнай візы ў розныя краіны можа істотна адрознівацца. Прытым некаторыя дзяржавы выстаўляюць вельмі высокія зборы, а часам віза можа абысціся даражэй за квіток туды. Тэлеграм-канал для падарожнікаў «Собирай рюкзак» склаў рэйтынг з дзесяці краін, у якіх атрыманне турыстычнай візы для беларусаў абыходзіцца найбольш дорага.

Жанчына з Дэмакратычнай Рэспублікі Конга. Фота: Guerchom Ndebo/Getty Images

На дзясятым месцы апынулася Аўстралія — каб паехаць у гэтую далёкую краіну, трэба заплаціць за візу 131 долар ЗША.

Далей ідзе Канада — агульны кошт візы для беларусаў складае 135 долараў. Гэтая сума ўключае як сам візавы збор (73 долары), так і аплату за біяметрычныя даныя (62 долары), якія з'яўляюцца абавязковымі для беларускіх грамадзян.

На сёмым і восьмым месцах — афрыканскія краіны Чад і Лесота. У абедзвюх краінах віза каштуе па 150 долараў.

Вялікабрытанія займае шостае месца з коштам візы каля 171 долара. Гэта адна з самых папулярных краін у еўрапейскім турызме, але доступ да яе няпросты і нятанны.

Пятае месца ў афрыканскага Камеруна — тут віза абыдзецца ўжо ў 180 долараў.

А вось Злучаныя Штаты Амерыкі занялі чацвёртую пазіцыю з коштам візы 185 долараў. Пры гэтым з кастрычніка 2025 года запланавана павелічэнне візавых збораў — магчыма, больш чым на 250 долараў.

Трэцяе месца ў рэйтынгу заняла невялікая азіяцкая краіна Бутан. З аднаго боку, сама віза там каштуе толькі 40 долараў, але ўсё не так проста: кожны турыст павінен яшчэ дадаткова заплаціць падатак на ўстойлівае развіццё (Sustainable Development Fee) — 100 долараў у дзень на дарослага і 50 — на дзіця. У выніку паездка на ўсяго дзве ночы можа абысціся мінімум у 240 долараў толькі за дазвол на ўезд.

На другім месцы — Новая Зеландыя. Кошт турыстычнай візы туды складае прыкладна 264 долары, што робіць яе адной з самых дарагіх для беларусаў.

Але безумоўны «чэмпіён» — Дэмакратычная Рэспубліка Конга. Тут беларусу давядзецца заплаціць цэлых 300 долараў за візу. Гэта самая высокая сума ў спісе і паказчык таго, што некаторыя турыстычныя кірункі патрабуюць сур’ёзных фінансавых выдаткаў яшчэ да пачатку падарожжа.

Такім чынам, перад тым як выбіраць краіну для адпачынку, варта часам улічваць не толькі цану квіткоў і пражыцця, але і колькі будзе каштаваць права туды ўехаць.

Каментары2

  • Špak
    30.07.2025
    доларау́ ці далярау́ ? ♠️
  • Доларау́, РасIi, у залЕ, Iспанii, Венгрыi, клАсе, Евро
    31.07.2025
    [Рэд. выдалена]

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць