Эканоміка1414

МАРГ пайменна назвала ўсіх вінаватых у бульбяным дэфіцыце

Вясной 2025 года па ўсёй Беларусі ўзнік недахоп бульбы ў крамах. Праблему хоць і неахвотна, але мусілі прызнаваць і чыноўнікі нават самага высокага рангу. Аднак пры гэтым тое, што прычына яе — у хібах самой сістэмы гаспадарання, рашуча адмаўляецца. Міністэрства антыманапольнага рэгулявання і гандлю ў сваёй справаздачы па выніках праверак таксама перакладае адказнасць за дэфіцыт на асобных пастаўшчыкоў.

Фота ілюстрацыйнае

МАРГ сцвярджае, што хоць на першы погляд здавалася, нібыта праблема ў агульным недахопе прадукцыі, але насамрэчы запасы бульбы ў стабілізацыйных фондах былі нават большымі за запланаваны мінімум. Гэта нібыта пацвердзілі праверкі міністэрства.

Прычынай праблемы называюцца парушэнні з боку некаторых пастаўшчыкоў. Так, у маі 2025 года МАРГ зафіксаваў, што фермерская гаспадарка «Гарызонт» з Мастоўскага раёна парушыла антыманапольнае патрабаванне Закона аб гандлі, не паставіўшы бульбу ў патрэбным аб’ёме гандлёвай сетцы. Гаспадарцы было вынесена прадпісанне, якое яна выканала.

Пазней, у чэрвені і ліпені, былі зафіксаваныя яшчэ чатыры парушэнні:

  • фермерская гаспадарка «Яблыневы сад» (Гомельская вобласць) не паставіла якасную бульбу ў сетку «Еўраопт», хоць у дакументах сцвярджала, што прадукцыя адпавядае стандартам;
  • РУП «Талачынскі кансервавы завод» (Віцебская вобласць)не выканаў абавязацельстваў перад «Дабраномам», адгружаючы бульбу іншым пакупнікам і ў сваю сетку;
  • сялянская гаспадарка Пакуша І.А. (Мінская вобласць) замест выканання заявак «Гіпа» і «Белмаркета» адпусціла толькі 7,8% ад запланаванага аб’ёму, а ў маі зусім спыніла пастаўкі, адначасова прадаючы іншым;
  • сялянска-фермерская гаспадарка «Жураўліны крык» (Мінская вобласць) не выканала ці часткова выканала заказы «Санта Рытэйла» і «Дабранома».

МАРГ накіраваў інфармацыйныя лісты ў адпаведныя аблвыканкамы, каб тыя прынялі меры.

Акрамя гэтага, міністэрства пералічвае і іншыя парушэнні:

  • у Магілёўскай вобласці тры вытворцы (СВК «Гігант», РУНП НАН, ААТ «Спартак») не паказвалі цэны ў транспартных накладных, што парушае пастанову № 713 — за гэта ім выпісалі штрафы на больш чым 6 тысяч рублёў;
  • у Мінскай вобласці фірма «ДараБудГандаль» не пазначала цэны і гандлявала без унясення даных у гандлёвы рэестр;
  • ТАА «ЭкаФрутЛэнд» у Мінску прадавала бульбу па цэнах, вышэйшых за дапушчальныя.

Матэрыялы на гэтыя арганізацыі перадалі ў эканамічныя суды Мінска і Мінскай вобласці.

Таксама індывідуальны прадпрымальнік Мазур незаконна вывозіў бульбу без ліцэнзіі — яго справу разглядаюць паводле адміністрацыйнага заканадаўства.

Каб пазбегнуць такіх сітуацый у будучыні, былі прынятыя новыя дакументы: указ Лукашэнкі №232 і пастанова Саўміна №399, якія вызначаюць дакладныя правілы і абавязкі пры пастаўках агародніннай прадукцыі са стабфондаў. У выпадку іх парушэння прадугледжаная адміністрацыйная адказнасць.

Каментары14

  • Мх
    01.08.2025
    Справа ідзе да таго, што бульбу змогуць вырошчваць толькі юрыдычныя асобы са спецліцэнзіяй? А фермераў чакае лёс прыватных школ і дзіцячых садкоў.
  • .
    01.08.2025
    Насамрэч у тым спісе вінаватых усяго адзін пункт і яны яго выдатна ведаюць.
  • Паша
    01.08.2025
    Министр Карпович, работая в Комитете госконтроля, брал взятки. Специалист он никакой, ни одну сферу экономики не знает. И министр с него, как из говна пуля.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць