Свет77

Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы

Прэзідэнт ЗША Дональд Трамп, паводле інфармацыі The New York Times, гатовы на наступным тыдні асабіста сустрэцца з Уладзімірам Пуціным, а пасля гэтага — правесці сумесную сустрэчу з тым жа Пуціным і прэзідэнтам Украіны Уладзімірам Зяленскім. Пра гэта выданню паведамілі дзве знаёмыя з сітуацыяй ананімныя крыніцы.

Уладзімір Пуцін і пасланнік прэзідэнта ЗША Стыў Уіткаф. Фота Gavriil Grigorov, Sputnik, Kremlin Pool Photo via AP

Як сцвярджаюць крыніцы The New York Times, Трамп расказаў пра свае намеры падчас тэлефоннай размовы з еўрапейскімі лідарамі 6 жніўня. Сустрэчы, згодна з планам, павінны прайсці толькі з удзелам Трампа, Пуціна і Зяленскага.

Еўрапейскія кіраўнікі, якія раней спрабавалі арганізаваць перамовы па спыненні агню ва Украіне, нібыта пагадзіліся з гэтай ініцыятывай Трампа.

Ці далі на гэта згоду сам Пуцін і Зяленскі, пакуль невядома. Але Зяленскі сам удзельнічаў у той размове і пазней адзначыў, што «здаецца, Расія цяпер больш схільная да перамір’я».

У размове, акрамя Трампа і Зяленскага, таксама ўдзельнічалі прэм’ер-міністр Вялікабрытаніі Кір Стармер, федэральны канцлер Германіі Фрыдрых Мерц, прэзідэнт Фінляндыі Аляксандр Стуб, генеральны сакратар НАТА Марк Рутэ, віцэ-прэзідэнт ЗША Джэй Дзі Вэнс, дзяржсакратар ЗША Марка Рубіа і спецыяльны пасланнік Трампа Стыў Уіткаф, які сёння сустракаўся з Пуціным у Маскве.

Праўда, у сваёй публікацыі ў сацсетцы TruthSocial пасля гэтай размовы Трамп зусім не згадваў пра намер сустрэцца з Пуціным і Зяленскім.

Адначасова крыніца, на якую спасылаюцца адначасова NYT, Reuters і Axios, паведаміла, што Белы дом не адмаўляецца ад плана ўвесці новыя санкцыі супраць Расіі 8 жніўня.

Нямецкае выданне Bild, у сваю чаргу, напісала, што Дональд Трамп стэлефанаваўся з Фрыдрыхам Мерцам і сказаў, што сустрэча Уіткафа была больш прадуктыўнай, чым чакалася. Але з кантэксту незразумела, ці была гэта асобная размова Трампа з Мерцам, ці гэта была тая самая вышэйзгаданая размова, калі стэлефаноўваліся ўсе разам.

Каментары7

  • глаз да глаз
    06.08.2025
    Зеленскому не позавидуешь.
    Если лапидар сошёлся по бабкам с пу, то будут выламывать руки Зеленскому.
    Если на кону большие бабки, то лапидар признает за Россией не только Крым, но и всё, как минимум, захваченное путиным, а может и записанное им в конституцию России.
  • Бурбалка
    06.08.2025
    Зноў пёрднулі ў ваду.
  • Р6619
    06.08.2025
    Ху✓ло зноўку аблапошыць!

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць