Грамадства22

Арганізатар байдарачных сплаваў расказаў, што стаіць на перашкодзе турызму, апрача прусакоў у гатэлях

Нядаўна Аляксандр Лукашэнка раскрытыкаваў беларускія гатэлі за кепскі стан нумароў, асабліва за «прусакоў на сценах», і заявіў пра неабходнасць кардынальных змен у турыстычнай сферы. Ён правёў нават адмысловую нараду з кіраўніцтвам Савета Міністраў, дзе абмяркоўвалася рэформа кіравання галіной. На разважанні чыноўнікаў хутка адрэагаваў у адмысловым відэа блогер Павел, арганізатар байдарочных сплаваў на Палессі, заўважыла BGMedia.

Здымак ілюстрацыйны. Фота з сацсетак

Павел адзначыў, што турызм у Беларусі не развіваецца праз вялікую колькасць забарон і бюракратычныя перашкоды.

Паводле яго слоў, у краіне няма сапраўднага гасцявога сэрвісу: у адрозненне ад Грузіі, дзе турыста могуць накарміць проста ў вёсцы на хатняй кухні, у Беларусі адкрыць маленькую кавярню або хатні рэстаран складана праз санітарныя нормы і рэгуляцыі.

Блогер расказаў, што ўжо два гады спрабуе адкрыць глэмпінг у Воложынскім раёне, але справа стаіць на месцы з-за адмовы чыноўнікаў падпісваць дакументы. Ён таксама адзначыў, што ў Беларусі недаступны доступ да азнаямлення з унікальнымі традыцыямі, якія маглі б стаць турыстычнымі «фішкамі», напрыклад, бортніцтва ці пчалярства на Палессі. Прыватныя майстры не могуць паказваць гэтыя заняткі турыстам без спецыяльных дазволаў.

Павел звярнуў увагу і на праблему пустых і разбураных будынкаў, якія можна было б выкарыстоўваць пад турыстычныя аб’екты, але бюракратыя перашкаджае іх арандаваць або пераабсталёўваць.

Ён лічыць, што ў вясковых раёнах не варта абмяжоўвацца продажам дамоў за базавую адзінку: лепш прадаваць праз аўкцыён, але прыбраць абмежаванні на прызначэнне будынкаў, каб людзі маглі ствараць адукацыйныя ці турыстычныя аб’екты.

Павел падкрэсліў, што развіццё турызму магчымае толькі пры супрацоўніцтве дзяржавы і прыватнага бізнэсу, калі ініцыятывы людзей будуць пачутыя і падтрыманыя.

Ён адзначыў, што трэба ствараць цікавыя маршруты і праграмы для турыстаў, каб людзі не толькі прыязджалі ў Беларусь, але і ведалі, чым будуць займацца кожны дзень.

Каментатары пад відэа Паўла адзначалі, што дзяржава душыць бізнэс праз забароны і падаткі, што перашкаджае развіццю агратурызму і іншых ініцыятыў.

Многія ўпэўненыя, што беларускі турызм можа быць канкурэнтаздольным і цікавым, але для гэтага трэба зменшыць бюракратыю, прыбраць лішнія забароны і пачаць плённае супрацоўніцтва з прыватным бізнэсам.

Каментары2

  • Вясковец
    21.08.2025
    Павел разумна разважае на конт турызму ў Беларусі, але ёсць адна абставіна, якая турбуе беларускія улады- у прывабных турыстыных месцах будзе збірацца шмат людзей, якіх трэба пільнаваць. І хто гэтым будзе займацца у той жа аграсядзібе? На тых жа прыватных прадпрыемствах уладальнікаў прымушаюць уводзіць у штат ідэолагоў, а тут атрымліваецца, што кожны уладальнік аграсядзібы повінен быць прыхільнікам, цяперашняй улады.
  • Пісьменны
    22.08.2025
    Цытую нн:
    " праз санітарныя нормы і рэгуляцыі."

    Крытыкую нн:
    слова "рэгуляцыя"- гэта аборт на пачатковых ступенях цяжарнасьці. Памылак вашыя аўтары дапускаюць заўжды шмат, таму вучыцеся, бо проста ганьба.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць