Свет

ЗША сабралі цэлую флатылію каля берагоў Венесуэлы

ЗША накіравалі восем вайсковых караблёў у паўднёвую частку Карыбскага басейна ў рамках «пашыранай аперацыі па барацьбе з наркотыкамі», паведамляе The Washington Post са спасылкай на прадстаўніка Пентагона.

Фота ілюстрацыйнае

Флатылія ўключае тры эсмінцы, два дэсантныя караблі, дэсантны верталётаносец, крэйсер і прыбярэжны баявы карабель. Паводле інфармацыі выдання Axios, сярод іх таксама ёсць як мінімум адна ўдарная падводная лодка. Частка караблёў ужо знаходзіцца ў рэгіёне, частка кіруецца туды.

На амерыканскіх караблях размешчаныя падраздзяленні Берагавой аховы ЗША і супрацоўнікі праваахоўных органаў, якія будуць затрымліваць і арыштоўваць асоб пры аперацыях па перахопу наркотыкаў. Агульная колькасць вайскоўцаў на караблях — каля 4500, у тым ліку 2200 марскіх пехацінцаў, што незвычайна шмат для антынаркатычнай місіі.

Венесуэла ўжо падала скаргу генеральнаму сакратару ААН Антоніу Гутэрышу, назваўшы нарастанне вайсковай прысутнасці ЗША «масштабнай прапагандысцкай аперацыяй для абгрунтавання ваеннага ўмяшання».

У 2024 годзе ў Венесуэле прайшлі выбары, якія афіцыйна выйграў Нікалас Мадура, але апазіцыя сцвярджае, што большасць галасоў была адданая за ягонага апанента Эдмунда Гансалеса. ЗША не прызналі вынікі выбараў і лічаць Мадуру нелегітымным.

Прэзідэнт і некаторыя высокапастаўленыя чыноўнікі Венесуэлы абвінавачваюцца ў ЗША ў адмыванні грошай і кантрабандзе наркотыкаў. У ліпені Мінфін ЗША абвінаваціў Мадура ў кіраўніцтве венесуэльскім картэлем Cártel de los Soles і прызнаў яго тэрарыстычнай арганізацыяй.

Сітуацыю абвастрылі нядаўнія меры Трампа, у тым ліку дэпартацыі сотняў венесуэльцаў у 2025 годзе, большасць з якіх абвінавачваліся ў прыналежнасці да банды Tren de Aragua. Усяго з лютага ЗША дэпартавалі каля 8000 венесуэльцаў.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць51

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

Пуцін назваў умову ўдзелу еўрапейцаў у перамовах па Украіне8

Да 2035 года мусульман стане больш, чым хрысціян. А цэнтр хрысціянства перамесціцца ў Афрыку12

«А што дрэннага было ў Ялце?» Пуціна спыталі пра «новую Ялту»6

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць51

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць