Грамадства55

З аўкцыёну прадаюць калекцыю карцін Віктара Бабарыкі. У тым ліку творы Любіча і Зака

З малатка прадаюць 19 твораў мастацтва з калекцыі Віктара Бабарыкі на 344 тысячы рублёў. Аб'явы апублікаваны на сайце «БелЮрЗабеспячэння», заўважыла «Люстэрка».

Арыштаваныя карціны з калекцыі Віктара Бабарыкі, выстаўленыя на аўкцыён. Калаж з фота з сайта e-auction.by

Самыя танныя лоты — гэта пяць гравюр з выдання Old and New London — «Narrative of its History», «Is People and its Places» («Стары і Новы Лондан: апавяданне аб яго гісторыі, людзях і месцах») канца XIX стагоддзя. Пачатковы кошт продажу кожнай з іх 165 рублёў.

Самы дарагі лот — твор «Арлекін» беларуска-французска-польскага мастака Яўгена Зака. Яго выставілі па стартавым кошце 99 312 рублі.

«Арлекін» Яўгена Зака ​​з калекцыі Віктара Бабарыкі, выстаўленай на аўкцыён. Фота: e-auction.by

Іншы твор гэтага ж аўтара «Букет кветак» прадаюць з малатка па цане ад 66 208 рублёў.

«Пейзаж» Міхаіла Кікоіна выстаўлены за 56 277 рублёў. Яго ж «Яблыні» - за 49 656.

Ёсць сярод арыштаваных карцін і праца мастака Парыжскай школы з Беларусі — Восіпа Любіча. Яго карціну «Тэатральная ложа», напісаную прыкладна ў 1925 годзе, з калекцыі Віктара Бабарыкі выставілі па кошце ад 19 862 рублі.

«Тэатральная ложа» Восіпа Любіча з арыштаванай калекцыі Віктара Бабарыкі. Фота: e-auction.by

Агульны пачатковы кошт усіх твораў мастацтва — каля 344 тысяч рублёў. Аднак калі знойдуцца жадаючыя іх набыць на аўкцыёне 8 кастрычніка, кошт продажу будзе вышэйшым.

Хутчэй за ўсё, гэтыя карціны з прыватнай калекцыі Бабарыкі. Нагадаем, дзякуючы экс-банкіру свая мастацкая калекцыя з'явілася ў Белгазпрамбанка. Натхніўшыся прыкладам замежных банкаў, ён у пачатку 2010-х пачаў збіраць работы мастакоў, звязаных з Беларуссю. Мэтай было вярнуць у краіну імёны, якіх няма ў музейных зборах, — ад Суціна і Шагала да менш вядомых аўтараў накшталт Бакста. Калекцыя вырасла з ідэі «вярнуць страчанае мастацтва» і стала буйным культурным праектам.

Раней праз аўкцыёны прадалі іншую маёмасць Віктара Бабарыкі, у тым ліку аўтамабіль і гадзіннік.

Зямельны ўчастак экс-банкіра — самы дарагі актыў, адабраны ў палітвязняў і выстаўлены на продаж. Калі браць апанентаў Лукашэнку ў цэлым, то даражэй прадалі толькі кватэру Валерыя Цапкалы — амаль за 400 тысяч рублёў.

Каментары5

  • Кнопка
    02.09.2025
    скупка краденного? вроде ж есть статья за это
  • Барадзед
    02.09.2025
    Я бы тоже прикупил.
  • лукашенко пособник сбыта краденного!
    02.09.2025
    До чего довела вседозволенность правления лукашенки. Уже дошло до того, что продают имущество, которое украли пособники лукашенки. И выставляют это на показ. Старый и хромой дед скоро помрёт и не извесно каким боком это скажется всем участникам грабежа.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Вызначыўся супернік зборнай Беларусі ў стыкавым матчы Лігі нацый5

19‑гадовы берасцеец Андрэй ліквідаваны пад Курдзюмаўкай22

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць