Грамадства1010

Як праходзіць уезд у Латвію па новых правілах. Расказваюць відавочцы

Беларусы, якія запоўнілі анкету для ўезду ў Латвію, спадзяюцца атрымаць ліст з дазволам на наведванне краіны — але ў выніку не бачаць адназначнага адказу. Расказваем, як усё працуе.

Нагадаем: з 1 верасня 2025 года беларусам (і грамадзянам некаторых іншых краін), якія не маюць латвійскай візы ці ДНЖ Латвіі, неабходна перад паездкай у краіну запоўніць электронную анкету. Як гэта зрабіць, мы пісалі раней.

У памежных чатах назіраецца нервовасць. Некаторыя вандроўнікі чакаюць, што ім прыйдзе ліст з адназначным адказам: дазваляюць ім уехаць у Латвію ці не. Але сістэма працуе іначай.

Пасля запаўнення анкеты неабходна дачакацца двух лістоў на электронную пошту. Першы прыйдзе амаль адразу: ён проста пацвердзіць, што анкета пададзена. Там жа на ўсялякі выпадак пазначана: каб выправіць памылку ў адпраўленай анкеце, трэба запоўніць новую — унесці змены ў першую немагчыма.

Другі ліст павінен прыйсці цягам 48 гадзін. У ім будзе пацвярджэнне, што электронная дэкларацыя зарэгістравана, і яе нумар. Гэты нумар трэба захаваць, каб мець пры сабе.

Вось такі ліст вы павінны атрымаць

У лісце таксама пазначана: «Звярніце ўвагу, што дэкларацыя мае выключна інфармацыйны характар і не з'яўляецца дазволам на ўезд». Менавіта гэта фраза і пужае людзей.

Але трэба разумець: і раней шэнгенская віза не гарантавала, што вас абавязаны павінны пусціць у краіну. Канчатковае рашэнне прымаў памежнік — ён меў права адмовіць, калі, напрыклад, лічыў, што рэальныя мэты паездкі не супадаюць з тымі, пад якія візу выдавалі.

Пасля таго, як вы атрымалі другі ліст з інфармацыяй пра рэгістрацыю дэкларацыі, можна ехаць у Латвію.

Пакуль, як пішуць у памежных чатах, праблем праз дэкларацыю не ўзнікае.

У тых, хто заязджаў у Латвію з іншых краін Еўрасаюза, пра дэкларацыю не пыталіся. Але паведамляцца, што некаторыя перавозчыкі дасылаюць беларусам, якія набылі квіткі, напрыклад, з Вільні ў Рыгу, напамін пра неабходнасць запоўніць своечасова анкету.

На мяжы Беларусі і Латвіі пра анкету пытаюцца, але пакуль таксама ўсё даволі мякка. «Пра дэкларацыю толькі спыталі, запаўнялі ці не», — напісаў адзін з удзельнікаў тэматычнага чата.

Іншы распавёў, што латвійскія памежнікі пры ім прапускалі нават тых, хто запоўніў анкету ўсяго за тры гадзіны да планаванага ўезду: «Але на мытні сказалі, што толькі цяпер прапусцяць, бо пастанаўленне толькі набыло моц і ідзе прыцірка праграмы. Але, па словах памежніцы, далей абавязкова трэба будзе запаўняць за 48 гадзін і раней перад кожным перасячэннем. У іншым выпадку — непадачы ці незапаўнення — будзе адміністратыўка».

Раней паведамлялася, што чалавека, які не запоўніў электронную дэкларацыю, можа чакаць штраф да 2000 еўра і дэпартацыя. 

Каментары10

  • Hryb
    09.09.2025
    Рижский бальзам, aj, nie hanicia. Vy chacicia kab vajskovych złačyncaü balzamam i kiłbasami sustrakali?
  • dracianik
    09.09.2025
    Рижский бальзам, лухту вярзеце.
  • Абармот
    09.09.2025
    Рижский бальзам, ну сиди в Беларуси и прославляй лукавого

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць