Грамадства2222

Да чаго прывядзе поўнае закрыццё мяжы з Польшчай

Наступствы на сабе адчуюць і пасажыры (асабліва тыя, хто ездзіць на аўто), і грузаперавозчыкі.

Варшава. Фота: LookByMedia

Польшча закрывае мяжу з Беларуссю ў ноч з 11 на 12 верасня ў сувязі з расійска-беларускімі вучэннямі «Захад-2025», якія пройдуць з 12 па 16 верасня.

Як доўга мяжа будзе заставацца закрытай, дакладна невядома.

У тэматычных чатах некаторыя пішуць, што польскія памежнікі нібыта казалі ім, што мяжа будзе закрытай да 16 верасня (дата завяршэння вучэнняў). Але афіцыйнага паведамлення пра гэта пакуль не было.

Калапс з машынамі

На мяжы з Польшчай працуюць толькі два пункты пропуску — па адным для пасажырскага і грузавога руху.

Праз пункт пропуску «Брэст» за суткі праязджае па 600—800 легкавых аўто. Прыкладна столькі ж праязджае праз два пункты пропуску на мяжы з Літвой і адзін на мяжы з Латвіяй разам узятыя. То бок, на польскі кірунак прыходзіцца каля 50% патоку легкавых аўто.

Фота: тэлеграм-канал Пагранічнага камітэта Беларусі

Іншая важная акалічнасць у тым, што толькі праз Польшчу можна трапіць у Еўрасаюз на аўто з беларускімі нумарамі без асаблівых абмежаванняў.

Выехаць і заехаць праз Літву на аўто з беларускай рэгістрацыяй могуць толькі тыя, хто мае ДНЖ або візу, выдадзеныя Літвой. Праезд на аўто з беларускімі нумарамі па тэрыторыі Латвіі цалкам забаронены.

Атрымліваецца, што беларусы на аўто з беларускай рэгістрацыяй, якія не паспеюць пакінуць Еўрасаюз да закрыцця мяжы з Польшчай, не змогуць вярнуцца на машыне дадому.

Да таго ж, з 1 верасня дзейнічаюць новыя правілы ўезду ў Латвію. Беларусам трэба не пазней чым за 48 гадзін да ўезду (у тым ліку транзітнага) запоўніць спецыяльную электронную анкету з асабістымі данымі і маршрутам.

Выключэнне толькі для тых, хто мае ДНЖ або візу, выдадзеныя Латвіяй.

Наяўнасць ДНЖ (часовага ці пастаяннага) любой з іншых краін ЕС не вызваляе ад абавязку запаўняць анкету за 48 гадзін да прыезду ў Латвію.

Што з аўтобусамі?

Праз пункт пропуску «Брэст» штодня праязджаюць дзясяткі аўтобусаў, як маршрутных (не толькі ў розныя гарады Польшчы, але і ў іншыя краіны Еўропы), так і турыстычных. За суткі пры наяўнасці чаргі праз гэты пункт пропуску праязджае каля 120 аўтобусаў у кожны бок.

У выпадку з турыстычнымі аўтобусамі не ясна, як яны будуць вяртацца ў Беларусь пасля 12 верасня, бо Літва не прапускае праз сваю тэрыторыю турыстычныя аўтобусы з Беларусі.

Перавозчыкі ўжо пачынаюць інфармаваць людзей пра адмены рэйсаў у Польшчу ў сувязі з закрыццём мяжы.

Сітуацыя з грузаперавозкамі

З грузавым транспартам сітуацыя таксама вельмі складаная, паколькі праз «Казловічы» за суткі праязджае ў некалькі разоў больш грузавікоў, чым праз тры астатнія пункты пропуску.

Так, напрыклад, калі праз «Казловічы» за мінулыя суткі праехала 822 грузавікі, то праз два пункты пропуску на мяжы з Літвой і адзін з Латвія — усяго 202 грузавікі.

Фота: тэлеграм-канал Пагранічнага камітэта Беларусі

Нават калі закрыццё мяжы з Польшчай працягнецца толькі на час правядзення вучэнняў «Захад», гэта моцна паўплывае на тэрміны дастаўкі тавараў, а таксама можа выклікаць рост ставак на перавозкі.

Да таго ж апроч аўтадарожных пунктаў пропуску будзе закрыты і чыгуначны рух.

Якія ёсць альтэрнатыўныя шляхі, каб дабрацца ў Польшчу?

Ехаць праз Літву на машыне з беларускімі нумарамі можна толькі з літоўскай візай або ДНЖ Літвы. Таму больш рэалістычны варыянт — аўтобус. Апошнім часам рэйсаў стала менш. Бліжэйшыя білеты з Мінска ў Вільню ёсць на 15 верасня за 75 еўра. Вярнуцца з Літвы ў Беларусь прасцей — білеты ёсць нават на сёння і заўтра.

Яшчэ адзін варыянт трапіць у Польшчу — ехаць туды праз Расію. Для гэтага трэба ўзяць білет на цягнік да Калінінграда (білеты на бліжэйшыя дні каштуюць ад 285 рублёў). Час паездкі — 11,5 гадзіны. Выходзіць з цягніка на тэрыторыі Літвы забаронена, таму ў любым выпадку давядзецца ехаць у Калінінградскую вобласць. І адтуль ужо можна трапіць у Польшчу.

Ілюстрацыйны здымак. Фота: «Наша Ніва»

Самы дарагі спосаб дабрацца ў Польшчу або іншую краіну Еўропы — гэта набыць білет з Мінска ў Стамбул, а адтуль ужо ляцець у патрэбны горад. Да Стамбула ляцець 5,5 гадзіны. Праўда, цэны на білеты ў бліжэйшыя дні пачынаюцца ад 2250 рублёў.

Каментары22

  • Алег
    09.09.2025
    Гэта ўлада не дае жыць. Трэба вывозіць сям’ю. Хопіць чакаць. Нічога тут ніколі не будзе.
  • 3% у міня
    09.09.2025
    Сійчас туркі заработают на этам ешчо большэ.
  • Пацаваца
    09.09.2025
    Кралала, што рабіць прапануеш, канапавы воін?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць