Вайна66

«Перавыхаваць, мілітарызаваць і русіфікаваць»: Расія стварыла беспрэцэдэнтную сістэму для выкрадзеных украінскіх дзяцей

У новай справаздачы лабараторыя гуманітарных даследаванняў Ельскага ўніверсітэта раскрывае існаванне сеткі з 210 устаноў па ўсёй Расіі і на акупаваных тэрыторыях, прызначаных для ідэалагічнай апрацоўкі ўкраінскіх дзяцей.

Ілюстрацыйнае фота. Украінскія дзеці на мінскім чыгуначным вакзале. Верасень 2023 года. Фота: БелТА

Лабараторыя гуманітарных даследаванняў Ельскага ўніверсітэта (HRL) апублікавала справаздачу пад назвай «Выкрадзеныя дзеці Украіны: у цэнтры расійскай сеткі перавыхавання і мілітарызацыі».

У ёй аналізуецца, як Масква стварыла маштабную і беспрэцэдэнтную сетку для інтэграцыі дэпартаваных украінскіх дзяцей у расійскую ваенную машыну. З некаторымі ключавымі высновамі даследавання знаёміць французскае выданне Le Monde.

Паводле ацэнак HRL, у руках Расіі зараз знаходзіцца да 35 000 такіх дзяцей. У справаздачы зафіксавана існаванне як мінімум 210 устаноў па ўсёй Расіі і на акупаваных тэрыторыях Украіны, дзе дзяцей падвяргаюць прымусоваму «перавыхаванню» і мілітарызацыі.

Маштаб гэтай сеткі, якая працягвае развівацца, ашаламляе. Яна распасціраецца ад Чорнага мора да ўсходняга ўзбярэжжа Ціхага акіяна, праходзячы праз Сібір, і ахоплівае больш за 5600 кіламетраў і 59 рэгіёнаў у Расіі і акупаванай Украіне.

Даследчыкі вызначылі восем тыпаў месцаў: вайсковыя вучылішчы, вайсковыя базы, медыцынскія ўстановы, рэлігійныя аб'екты, школы і ўніверсітэты, гасцініцы, цэнтры дапамогі сем'ям, дзіцячыя дамы і, часцей за ўсё, летнія лагеры і санаторыі.

Перыяд знаходжання дзяцей у гэтых месцах розны. Некаторых накіроўвалі туды часова, і яны вярнуліся дадому, іншых утрымлівалі нявызначаны тэрмін. У некаторых выпадках дзеці, якія прайшлі праз гэтыя ўстановы, былі ўключаны ў расійскую праграму прымусовага ўсынаўлення, каб трапіць у расійскія сем'і і стаць грамадзянамі Расіі.

«Прамыванне мазгоў»

Расследаванне HRL устанавіла, што «Расія выкарыстоўвае патэнцыйна беспрэцэдэнтную сістэму масавага перавыхавання, ваеннай падрыхтоўкі і інтэрнатаў, здольных размясціць дзясяткі тысяч украінскіх дзяцей на працяглы перыяд».

Яно таксама паказвае глыбокую ўцягнутасць і саўдзел расійскага ўрада ў механізмах фінансавання, транспарціроўкі, ваеннай падрыхтоўкі і вярбоўкі. Больш за палову выяўленых аб'ектаў (як мінімум 106 з 210) наўпрост кіруюцца федэральнымі або мясцовымі органамі ўлады Расіі. Каб прыйсці да такіх высноў, даследчыкі спалучылі аналіз інфармацыі з адкрытых крыніц — часта з афіцыйных расійскіх дакументаў — з вывучэннем спадарожнікавых здымкаў.

Паводле справаздачы, мерапрыемствы па «перавыхаванні» ўкраінскіх дзяцей праводзіліся ў большасці (61,9%) выяўленых месцаў. Яны ўключалі культурныя, патрыятычныя або ваенныя праграмы, якія адпавядаюць інтарэсам Масквы і з'яўляюцца часткай больш шырокай кампаніі, якая праводзіцца па загадзе Уладзіміра Пуціна для русіфікацыі жыхароў акупаваных тэрыторый.

Гэтая сістэматычная і наўмысная кампанія відавочна накіравана на дзяцей, — удакладняецца ў дакуменце, — асабліва на тых, хто належыць да ўразлівых катэгорый, такіх як сіроты і дзеці, што жывуць паблізу лініі фронту.

«Гэта найбуйнейшая аперацыя па выкраданні дзяцей з часоў Другой сусветнай вайны, калі нацысты выкралі тысячы польскіх дзяцей, — заявіў выданню Натаніэль Рэйманд, выканаўчы дырэктар HRL. — Расія стварыла сістэму для ідэалагічнай апрацоўкі ўкраінскіх дзяцей, іх ваеннай падрыхтоўкі і падмены ўкраінскай нацыянальнай ідэнтычнасці на расійскую».

Ваенная падрыхтоўка

Уладзімір Пуцін на працягу больш як дзесяці гадоў узмацняе патрыятычнае выхаванне і мілітарызацыю расійскай моладзі, але цяпер у гэтыя праграмы ўключаюць і ўкраінскіх непаўналетніх ва ўзросце ад 8 да 17 гадоў.

Гэта адбываецца як мінімум у 39 з 210 выяўленых устаноў, прычым прапарцыянальна іх колькасць амаль аднолькавая як у Расіі, так і на акупаваных тэрыторыях. Дзяцей навучаюць весці бой, яны ўдзельнічаюць у парадах, вывучаюць ваенную гісторыю і вырабляюць абсталяванне для расійскіх узброеных сіл, у тым ліку дроны.

У справаздачы адзначаецца, што немагчыма вызначыць, ці адпраўлялі дзяцей, якія ўдзельнічалі ў гэтых праграмах, на фронт ва Украіну. Аднак выпадкі прызыву ўкраінскіх дзяцей у расійскую армію ўжо фіксаваліся. Так, у студзені ўкраінскі Цэнтр процідзеяння дэзынфармацыі паведаміў, што дзеці з тэрыторый, акупаваных Расіяй з 2014 года, былі прызваны ў расійскую армію і загінулі ў баях у 2022 годзе.

Масква займалася дэпартацыяй, перавыхаваннем, мілітарызацыяй і прымусовым усынаўленнем украінскіх дзяцей на акупаваных тэрыторыях Крыма, Луганскай і Данецкай абласцей яшчэ з 2014 года, пасля пачатку вайны на Данбасе. Але пасля поўнамаштабнага ўварвання 2022 года гэтыя намаганні значна пашырыліся і набылі большы маштаб, — падкрэсліваецца ў дакуменце.

Аўтары сцвярджаюць, што доказы, прадстаўленыя ў гэтай і папярэдніх справаздачах, складаюць трывалую аснову для вызначэння дзеянняў Расіі як ваенных злачынстваў і злачынстваў супраць чалавечнасці.

Каментары6

  • імпэрыя — краіна дзіўнай, проста-такі касьмічнай гармоніі: у ёй агідна абсалютна ўсё
    18.09.2025
    Маскоўская імпэрыя — краіна дзіўнай, проста-такі касьмічнай гармоніі: у ёй агідна абсалютна ўсё. Улада, “апазыцыя”, клімат, дарогі, СМІ, эканоміка — ніводная дэталь не псуе карціны, выломваючыся з агульнага стылю
  • русский мир
    18.09.2025
    Русский нацизм .....
  • Імя
    18.09.2025
    Колькі клопату. У бсср самі бацькі са сваімі дзеткамі робяць тое ж самае.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць