Грамадства

«Думаў, мяжу закрыюць толькі на ўезд». Беларус расказаў, як вяртаўся на аўтамабілі з Еўрасаюза

З 12 верасня Польшча цалкам закрыла мяжу з Беларуссю. Гэта ўскладніла лагістыку і кампаніям, якія перавозяць грузы або адпраўляюць турыстаў у аўтобусныя туры, і звычайным падарожнікам. Панервавацца давялося і тым, хто ў гэтыя дні вяртаецца з адпачынку на ўласным аўтамабілі. Выданне Office Life пагутарыла з адным з такіх беларусаў, у якога зваротная дарога апынулася прыкметна даўжэйшай, чым чакалася.

Чарга з легкавікоў на выезд з Літвы ў Беларусь. Фота: Office Life

З 16 жніўня 2024 года пункт пропуску «Брэст» на польска-беларускай мяжы стаў адзіным, дзе паміж Беларуссю і ЕС бесперашкодна прапускаюць машыны з беларускімі нумарамі. Літва з гэтай даты закрыла ўезд такім аўтамабілям, за выключэннем тых, гаспадары якіх маюць ДНЖ у гэтай краіне. Забарона дзейнічае і з боку Латвіі.

Праўда, на перыяд закрыцця мяжы паміж Беларуссю і Польшчай літоўскі бок часова дазволіў праязджаць аўтамабілям з беларускімі нумарамі. Але гаворка ідзе толькі пра вяртанне ў Беларусь.

Беларус Аляксандр у пачатку верасня заехаў у Польшчу на сваёй машыне праз пункт пропуску «Брэст». Навіна пра закрыццё польскай мяжы заспела яго ў гарах Чэхіі.

«На той момант я падумаў, што выпусціць то павінны. Мяжу калі і закрыюць, то, хутчэй за ўсё, на ўезд. Толькі засяліўся ў гатэль, наперадзе пяць дзён адпачынку, таму вырашыў не дзёргацца», — расказвае суразмоўца.

Калі 12 верасня стала зразумела, што мяжу закрылі і на ўезд, і на выезд, Аляксандр пачаў маніторыць чаты. Там на наступны дзень і даведаўся з паведамленняў, што з'явілася магчымасць праехаць праз Літву.

Спачатку не было зразумела, ці можна праехаць менавіта праз літоўскую тэрыторыю, але потым нехта ў чаце атрымаў афіцыйны адказ, што сапраўды можна ехаць транзітам на мяжу з Беларуссю для тых, хто заехаў праз Польшчу.

«У мяне па плане адпачынак быў да 14 або 15 верасня. Вырашыў паехаць у панядзелак, 15-га. Падумалі, што ўсе паедуць у нядзелю назад, — кажа Аляксандр. — І калі меркаваць па чатах, у суботу і нядзелю практычна не было чэргаў на выезд. Раніцай у панядзелак, калі я выязджаў з Варшавы, таксама пісалі пра сем-дзесяць машын. Але калі пад'ехаў да літоўскай мяжы да гадзіны чацвёртай, там ужо сабралася чарга на выезд з 80 машын, што для «Каменнага Лога» нямала».

Аляксандр адзначае, што пасля таго, як ён пад'ехаў да мяжы, туды адразу запусцілі каля 30 машын — чарга прыкметна зменшылася. Але пасля давялося пастаяць яшчэ некалькі гадзін: на літоўскую мяжу ўдалося заехаць у раёне восьмай гадзіны вечара.

«Памежнік спытаў, у нас ДНЖ ці візы, бо з ДНЖ можна без пытанняў ехаць на беларускіх нумарах, а вось з візамі — толькі транзітам і калі заехаў праз Польшчу. Больш нічога не пыталіся, усе разумеюць сітуацыю. У выніку літоўскую мяжу праехаў хвілін праз 20».

Па словах Аляксандра, да вечара панядзелка на выезд з Літвы чарга павялічылася: перад літоўскім шлагбаўмам у «Медніках» (з беларускага боку — «Каменны Лог») стаяла больш за сотню машын.

Суразмоўца адзначае, што ў асноўным аўтамабілі на літоўскай мяжы былі на беларускіх нумарах, а на нумарах ЕС — літаральна з дзясятак машын.

Пасля яшчэ пару гадзін пайшло на чаргу і праходжанне беларускай мяжы. А ў цэлым, па словах Аляксандра, сама працэдура перасячэння мяжы ў выніку аказалася даволі будзённай.

Каментары

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць