Меркаванні2323

«Міколу Статкевіча шкада як чалавека, але не як быкаўскага героя»

Культуролаг Юлія Чарняўская паглядзела на гераічны ўчынак Міколы Статкевіча, які 11 верасня на беларуска-літоўскай мяжы паставіў прынцыпы вышэй нават за жыццё, з нечаканага боку. 

Мікола Статкевіч на мяжы

Вось што дзіўна. Мы ўсе захапляемся кнігамі Васіля Быкава. Пастаянна гаворым пра яго веліч. Цытуем. А потым бачым учынак Міколы Статкевіча. І частка, даволі вялікая, з нас пачынае казаць: а навошта, маўляў, гэта было, каму ён хацеў даказаць, столькі намаганняў было зроблена, каб ён выйшаў, а ён… і далей па тэксце.

А між тым Статкевіч зрабіў учынак цалкам у логіцы быкаўскіх герояў. Лепш пайсці на смерць, прыняць згубную рэальнасць вось так, да мяжы сумленна, чым цешыць сябе ілюзіямі, спадзявацца на ласку таго, хто сёння ў сіле.

Быкаўскі экзістэнцыйны герой куды мацнейшы за моцных: зганьбаваны Алесь Мароз, слабы і хворы Сотнікаў, Сцепаніда. Гэта герой барацьбы з абсурдам шляхам свайго жыцця. Гэта адзінае, што ён можа гэтаму абсурду супрацьпаставіць.

Альбо мы не чыталі Быкава, альбо заплюшчылі вочы на нязручнае для нас, занадта катэгарычнае, але самае галоўнае, пра што ён пісаў. Нам так лягчэй: страх часта мімікруе пад розум. Быкаўскі герой нязручны, ён для нас жывы дакор.

Мне вельмі шкада немаладога і, думаю, не надта здаровага Міколу Статкевіча, чалавека шкада, фізічнае цела. Але быкаўскага героя Міколу Статкевіча мне не шкада.

Я не маю права шкадаваць быкаўскага героя, сама б я так не змагла. Я і не змагла, кішка тонкая. Ён выбраў сам, значыць, ён вольны. І, як героя іншага экзістэнцыяліста, Сізіфа у Камю, варта ўяўляць яго шчаслівым.

Каментары23

  • Сцяпан
    20.09.2025
    Ды не захапляемся мы кнігамі Быкава, дзе Мурло-Пшанічны-падкулачнік - здрайца, а сацыяльна наш злодзей Свіст - герой.

    Дарэчы, хтосьці ўвогуле захапляецца творчасцю Быкава?
  • А
    20.09.2025
    Таварыш Сцяпан, не тыя кнігі вы чыталі. Быкаў жыў у савецкі час, яго погляды з часам трансфармоўваліся. Усе пісьменнікі павінны былі мець творы,якія хваляць савецкую сістэму. Таго ж Быкава ледзьве не рэпрэсавалі за Мёртвым не баліць. Вось гэта і трэба чытаць, а не тое ідэалагічна выверанае, чым напіхвалі ў школе. Яшчэ Доўгая дарога дадому, На чорных лядах, Аблава. Мяркую, вы пра такія не чулі?!
  • !?
    20.09.2025
    Загаловак артыкула перакручвае, скажае думку аўтаркі:
    "Статкевіч зрабіў учынак цалкам у логіцы быкаўскіх герояў" і далей "Я не маю права шкадаваць быкаўскага героя, сама б я так не змагла. Я і не змагла, кішка тонкая."

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць