Грамадства1717

Арганізацыя, якой кіруе Шуневіч, пахвалілася чарговым забойствам — чырванакніжнай рысі

У Шаркаўшчынскай паляўнічай гаспадарцы ўпершыню пасля амаль саракагадовай забароны на паляванне ў Беларусі была забітая рысь. Гэты від усё яшчэ ўключаны ў Чырвоную кнігу Беларусі, але былы міністр унутраных спраў пралабіраваў праз Лукашэнку дазвол на паляванне.

Пешая забітая за амаль сорак гадоў рысь у Беларусі. Фота: Беларускае таварыства паляўнічых і рыбаловаў

Са здабыццём першага трафея павіншавала «Беларускае таварыства паляўнічых і рыбаловаў», якое ўзначальвае былы міністр унутраных спраў Ігар Шуневіч. 

Новы сезон і новыя правілы

З 1 кастрычніка па 31 студзеня ў Беларусі адкрыты сезон палявання на рысь. Гэта першы сезон пасля таго, як від быў выключаны з поўнай забароны і ўключаны ў пералік жывёл, на якіх дапускаецца паляванне згодна з Планам кіравання папуляцыяй рысі ў Рэспубліцы Беларусь, зацверджаным Міністэрствам прыродных рэсурсаў і аховы навакольнага асяроддзя.

Паляванне дазволенае толькі ў асобных рэгіёнах Віцебскай (15 раёнаў), Гомельскай (14 раёнаў), Гродзенскай (2 раёны) і Мінскай (8 раёнаў) абласцей.

Рысь у Беларусі цяпер мае «бінарны прыродаахоўны статус» — яна з’яўляецца адначасова паляўнічым відам і відам, уключаным у Чырвоную кнігу. Гэта значыць, што здабыча магчымaя толькі ў межах навукова абгрунтаваных квот і пад строгім кантролем.

Прычынай перагляду ахоўнага статусу рысі і частковага адкрыцця палявання на яе называўся рост папуляцыі гэтага віду.

Паводле даных Міністэрства прыродных рэсурсаў, на пачатак 2024 года ў краіне налічвалася толькі 1315 асобін еўрапейскай рысі. Пры гэтым аптымальная колькасць для стабільнасці віду — каля 1520 асобін. 

Лабіраваў Шуневіч, дазволіў Лукашэнка

18 лістапада 2024 года Аляксандр Лукашэнка падпісаў указ № 420, якім дазволіў паляванне на рысь і мядзведзя ў асобым рэжыме — на падставе планаў кіравання папуляцыямі, падрыхтаваных Нацыянальнай акадэміяй навук.

Гэта рашэнне стала вынікам шматгадовых намаганняў «Беларускага таварыства паляўнічых і рыбаловаў» і асабіста яго кіраўніка, Ігара Шуневіча, былога міністра ўнутраных спраў. Шуневіч неаднаразова выступаў за ўключэнне рысі і бурага мядзведзя ў пералік паляўнічых відаў, аргументуючы гэта неабходнасцю рэгулявання іх колькасці і прадухілення шкоды сельскай гаспадарцы.

Пры гэтым частка навукоўцаў з НАН Беларусі крытыкуе ініцыятыву, падкрэсліваючы, што папуляцыя рысі яшчэ не дасягнула дэмаграфічна стабільнага ўзроўню, а сам від працягвае заставацца ўразлівым у асобных рэгіёнах краіны.

На ўсіх не хопіць

Беларускае таварыства паляўнічых і рыбаловаў налічвае каля 67 тысяч чалавек, з якіх прыкладна 35 тысяч маюць афіцыйныя білеты паляўнічага і рыбалова. Такім чынам, на кожную рысь у краіне прыпадае амаль 30 паляўнічых — усім не хопіць.

«Наша Нiва» — бастыён беларушчыны

ПАДТРЫМАЦЬ

Каментары17

  • Та, это что
    09.11.2025
    [Рэд. выдалена]
  • No
    09.11.2025
    Паглядзіце на задаваленыя твары гэтых лукашэнаўскіх пачвар.
    Лукашыстаў, асобна Шуневіча, чакае персанальнае пекла.
  • Пайду далей
    09.11.2025
    Адкрою паляванне на паляўнічых на чырвонакніжных жывёл. Шота вас многа сільна развялося.

Цяпер чытаюць

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Усе навіны →
Усе навіны

Як у кіно. У цэнтры Гродна 19‑гадовы хлопец з аднаго ўдару паваліў слуп13

Свет на парозе фінансавага абвалу, яшчэ больш агрэсіўны Трамп і небяспека для Тайваня. The Economist даў прагноз на 2027 год13

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных6

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

больш чытаных навін
больш лайканых навін

Ці пагражае Крыму блакада праз паралізаваны Крымскі мост?16

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць