Свет33

На ўзбярэжжы ПАР імкліва выміраюць з-за голаду афрыканскія пінгвіны

У Паўднёвай Афрыцы загінулі дзясяткі тысяч афрыканскіх пінгвінаў. Паводле даследавання, апублікаванага ў часопісе Ostrich: Journal of African Ornithology, асноўнымі прычынамі катастрофы сталі кліматычныя змены і празмерны вылаў сардзінаў — асноўнага корму для птушак, піша The Guardian.

Афрыканскія пінгвіны. Фота ілюстрацыйнае

На дзвюх галоўных калоніях на астравах Дасэн і Робен з 2004 па 2012 год загінула больш за 95% пінгвінаў. Большасць з іх памерлі падчас лінькі, калі птушкі не могуць выходзіць у акіян па ежу. Недастатковая колькасць сардзін не дазваляла ім назапасіць неабходны тлушч для таго, каб ператрываць гэты перыяд.

З 2004 года біямаса сардзін уздоўж заходняга ўзбярэжжа ПАР складала толькі каля 25% ад ранейшага максімуму. На зніжэнне папуляцыі рыбы паўплывалі змяненне тэмпературы і салёнасці вады, што пагоршыла ўмовы для нерасту, а таксама стабільна высокія аб’ёмы вылаву рыбакамі. Загінулыя пінгвіны, верагодна, гінулі ў моры і не вярталіся на бераг, бо вялікай колькасці мёртвых птушак не фіксавалася.

У 2024 годзе афрыканскіх пінгвінаў афіцыйна аднеслі да катэгорыі відаў, якія крытычна знікаюць, — у дзікай прыродзе засталося менш за 10 тысяч пар. Падобныя страты назіраюцца ва ўсіх месцах, дзе жыве гэты від.

Даследчыкі адзначаюць, што сітуацыю можна палепшыць шляхам устойлівага кіравання рыбнымі рэсурсамі: у ПАР ужо забаронены камерцыйны вылаў сардзін вакол шасці найбуйнейшых калоній пінгвінаў, ім робяць штучныя гнёзды, кантралююць драпежнікаў, а таксама дапамагаюць пацярпелым і галодным птушкам. Аднак праблемы назапашваліся дзесяцігоддзямі, і многія эксперты падкрэсліваюць неабходнасць неадкладных мер, бо недахоп дробнай рыбы пагражае не толькі пінгвінам, але і іншым мясцовым відам.

Каментары3

  • мясцовы
    07.12.2025
    Той выпадак, калі абсалютна відавочна, што афрыканцы проста выграбаюць акіян, але вельмі хочацца прыплесці «змяненне клімату»
  • Гы-гы
    07.12.2025
    Давайце па парадачку.

    1) Карумпаваны рэжым ПАР дае кітайцам неабмежаваныя ліцэнзіі на лоўлю рыбы

    2) Кітайцы зразумела карыстаюць іх на 120%, здабываючы ўсё, што можна

    3) Пінгвіны гінуь

    4) Вінаватыя... еўрапейскія падаткаплацельшчыкі, бо мала даюць на барацьбу з кліматам
  • .
    08.12.2025
    Два фактары: змяншэнне нерасту (з-за кліматычных змен) пры стабільна высокай лоўлі рыбы.

    Дзіўна бачыць, што і (нібыта?) беларускіх карыстальнікаў заразіла расейская прапаганда.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць