Каханне і сэкс5050

Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»

«Ведзьма па-за сістэмай», — паведамляе пра сябе нявеста Рамана Пратасевіча ў сацсетках. Яшчэ ў снежні яна пісала, што змірылася, што не выйдзе замуж — а цяпер рыхтуецца да вяселля.

Фота тут і далей: сацсеткі

Раман Пратасевіч, які нядаўна стаў вядучым СТБ, трэці раз жэніцца.

На інстаграм дзяўчыны, якой ён зрабіў прапанову рукі і сэрца, звярнуў увагу тэлеграм-канал «Беларусь галаўнога мозга».

29‑гадовую нявесту Рамана завуць Настасся Лабазанава, яна працуе медработнікам. Некалькі тыдняў таму дзяўчына звольнілася з дзяржаўнай паліклінікі — і прысвяціла гэтаму допіс у Threads, у якім назвала сябе шчаслівым чалавекам.

Раней Настасся працавала ў прыватным медыцынскім цэнтры «Мерсі» (здымкі адтуль ёсць у сакавіку 2025 года, а ў снежні 2024‑га дзяўчына адзначала з імі карпаратыў). Гэта клініка звязаная са знаёмымі сям'і Лукашэнкі.

Акрамя медыцыны, дзяўчына займаецца варажбой і запісвае для тыктоку відэа пра матрыцу лёсу.

Імаверна, адносіны ў пары развіваліся імкліва — бо ў сацсетках Настассі можна знайсці гісторыі, як яна яшчэ за тры месяцы да прапановы Рамана хадзіла на спатканні.

А летась у снежні яна пісала ў Threads: «Дзяўчаты, хто змірыўся з тым, што замуж мы ўжо не выйдзем? Стаўце лайкі», — і сабрала ажно 3200 лайкаў.

Дарэчы, прапанову Пратасевіч зрабіў у Дзень усіх закаханых у сталічным бары «Сапрана». Бацькі дзяўчыны, здаецца, такім выбарам дачкі задаволеныя. Яе маці напісала ў каментарыях: «Дачушка мая любімая, так прыемна бачыць цябе шчаслівай і каханай! Мы з татам вельмі рады за вас! Ну што, рыхтуемся да вяселля?».

«Адной жыць мне падабалася больш», — шчыра прызнаецца Настасся.

Нагадаем: для Рамана Пратасевіча гэта будзе ўжо трэці паход у ЗАГС. Да гэтага ён двойчы жаніўся з Маргарытай Грыцкевіч. Тая скончыла Мінскі медыцынскі ўніверсітэт і некаторы час працавала правізаркай-рэцэптаркай у мінскай аптэцы. А яшчэ рабіла расклады на картах таро, як і цяперашняя абранніца.

Каментары50

  • таролаг - гэта карма!))
    27.03.2026
    я задоволены, што ён ўляпаўся ў чарговага тарога))
  • Фіксацыя
    27.03.2026
    [Рэд. выдалена]
  • WorldofPain
    27.03.2026
    Протасевича жизнь ничему не учит. Если таро, феминизм, познания себя и OnlyFools, то она идёт в папку для ' только для развлекательных целей'. Парень так по кольцам олимпийцем станет в этой пятилетке.

Цяпер чытаюць

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Усе навіны →
Усе навіны

Крымскі мост зруйнаваны ўдарам украінскіх ракет51

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой4

У Камышавасе завяршыўся пошук цел. У выніку расійскага ўдару там загінулі 72 чалавекі

«Госпадзе, такое трызненне!» Усё больш беларусак пішуць, што ім званілі з міліцыі і пыталіся, ці жывыя яны2

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

больш чытаных навін
больш лайканых навін

Ці пагражае Крыму блакада праз паралізаваны Крымскі мост?10

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць