Грамадства22

Прадстаўніца Мінздароўя: У Ксюшы з СМА станоўчая дынаміка, яна стала сама сядзець

Галоўная пазаштатная спецыялістка па спадчынных нервова-мышачных захворваннях у дзяцей Міністэрства аховы здароўя Ірына Жаўняронак на прэс-канферэнцыі ў Магілёўскім аблвыканкаме паведаміла, што ў стане трохгадовай Ксюшы Маісенкі з Магілёва, якая жыве ў дзіцячым доме пры жывой маці, назіраецца станоўчая дынаміка.

Ксюша Маісеенка

У дзяўчынкі дыягнаставаная спінальная мышачная атрафія (СМА) другога тыпу — цяжкае генетычнае захворванне, якое патрабуе дарагога лячэння. Дзякуючы хуткаму збору сродкаў, у якім удзельнічалі звычайныя беларусы, арганізацыі і фонды, для яе лячэння дзяўчынкі ўдалося сабраць амаль два мільёны даляраў — суму, дастатковую для дарагога ўколу. Але пасля стала вядома, што прынамсі на гэты момант увесці яго Ксюшы няма магчымасці.

Цяпер дзяўчынка атрымлівае падтрымлівальную тэрапію і медыкі адзначаюць паляпшэнне яе стану. За яе здароўем пастаянна назіраюць дактары.

Спецыялісты тлумачаць, што СМА — гэта захворванне, якое прагрэсуе. Другі яго тып працякае лягчэй, чым першы, але патрабуе як мага больш ранняга лячэння. Для тэрапіі выкарыстоўваюцца розныя генныя прэпараты, у тым ліку «Залгенсма» і іншыя сродкі, якія дзейнічаюць па-рознаму і падбіраюцца індывідуальна.

Дактары адзначылі, што ў Ксюшы ўжо ёсць прыкметнае паляпшэнне: яна пачала больш упэўнена сядзець, павялічылася сіла ў руках і няма прыкмет хуткага пагаршэння стану.

Таксама паведамляецца, што пры лячэнні ўлічваюцца асаблівасці арганізма дзяўчынкі, у тым ліку стан костак, які можа ўплываць на магчымасць далейшай геннай тэрапіі.

У канцы вясны — пачатку лета плануецца новае абследаванне і кансіліум, які ацэніць далейшую тактыку лячэння.

Дзяўчынка з пачатку 2025 года знаходзіцца пад наглядам у спецыялізаванай установе для паліятыўнай дапамогі, а яе лячэнне праводзіцца сумесна некалькімі медыцынскімі цэнтрамі.

Дактары падкрэсліваюць, што ўсе рашэнні будуць прымацца ў інтарэсах дзіцяці і ў шчыльным кантакце з яе маці, а сабраныя сродкі пойдуць выключна на лячэнне Ксюшы.

Каментары2

  • Абманутыя беларусы
    27.04.2026
    Таму грошы пералічыце туды, куды скажа дзяржава.
  • .
    28.04.2026
    Коля хочет сажать, а чиновники радуются когда белорусы могут сидеть сами...

Цяпер чытаюць

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Усе навіны →
Усе навіны

Падлеткі п'юць лекі ад раку, каб стаць вышэйшымі. Дактары б'юць трывогу

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць