Грамадства99

У тэлеграм-акаўнце зніклага Анатоля Котава заўважылі дзіўную актыўнасць

Кіраўнік фонду ByHelp Аляксей Лявончык распавёў Reform.news пра дзіўную актыўнасць тэлеграм-акаўнта зніклага Анатоля Котава, супрацоўніка Беларускага фонду спартыўнай салідарнасці.

Увечары 13 чэрвеня польскі нумар Котава ў Telegram падсвяціўся як актыўны, а праз некалькі хвілін знік.

«З’явіўся польскі нумар, недзе каля 23:20 па Лондане. І праз тры хвіліны выдаліўся. Я яго толькі ўбачыў, якраз сядзеў там пісаў па справах лісты. Гляджу, яго нумар, усё сыходзіцца. Прычым гісторыя вычышчана. У нас з ім была гісторыя перапіскі, яна спынілася ў 2023 годзе», — распавёў Лявончык Reform.news.

Паводле слоў Лявончыка, ён вырашыў пакуль не пісаць на нумар, а паназіраць, але праз тры хвіліны нумар быў выдалены.

«У маім разуменні гэта не перадача нумара іншай асобе, таму што ў Котава стаяла двайная аўтэнтыфікацыя, на 100% упэўнены. Проста абы-хто ў тэлегу б не ўлез, калі б не меў доступу да двайной аўтэнтыфікацыі. Па-другое, нават калі нумар здох, яго камусьці перадалі і нават неяк удалося абысці гэтую двайную аўтэнтыфікацыю… Не ведаю, як зараз рэгіструецца Telegram на нумар, які забралі ў былога ўладальніка», — распавёў Лявончык.

Актыўнасць нумара падалася Лявончыку падазронай: «Калі гэта Котаў, там была двайная аўтэнтыфікацыя. Калі гэта не Котаў, то чаму ён адразу ж выдаліўся».

Анатоль Котаў знік у жніўні 2025 года. Вядома, што ён адпрасіўся з працы ў івэнт-агенцтве Terra Group і 21 жніўня адправіўся ў Стамбул і знік. Паводле дадзеных пракуратуры Турцыі, пашпарт Котава адбіўся а 18:35:54 пры выездзе з Турцыі 21 жніўня праз порт Трабзон.

Анатоль Котаў — прадстаўнік Беларускага фонда спартыўнай салідарнасці (БФСС). Скончыў Маскоўскі дзяржаўны інстытут міжнародных адносін (МДІМА). Працаваў у МЗС Беларусі, Адміністрацыі прэзідэнта Рэспублікі Беларусь, пасольстве Беларусі ў Польшчы, Нацыянальным алімпійскім камітэце, дырэкцыі Еўрапейскіх гульняў — 2019 і Кіраўніцтве справамі Лукашэнкі.

У жніўні 2020 года ў знак пратэсту сышоў у адстаўку з пасады намесніка загадчыка аддзела фінансавання дзяржаўных органаў галоўнага фінансавага ўпраўлення Кіраўніцтва справамі Лукашэнкі. Апошнія гады знаходзіўся ў вымушанай эміграцыі. 

У 2024 годзе Котава завочна прысудзілі ў Беларусі да 12 гадоў пазбаўлення волі па абвінавачанні ў змове з мэтай захопу ўлады, кіраўніцтве экстрэмісцкім фарміраваннем, спрыянні экстрэмісцкай дзейнасці.

Каментары9

  • Ці ў Расеі
    14.06.2026
    як дзеці, а можа і ў Маскве. Ён жа з Турцыі на яхце ў бок Расеі адчаліў.
  • Н
    14.06.2026
    Дзіўная актыўнасць - гэта паехаць у Турэччыну, на Чарнае мора.
  • Давераная крыніца Лявончыка
    14.06.2026
    З гэтай нагоды мы аб'яўляем збор данатаў, каб высветліць дакладна, што здарылася з гэтым нумарам. Нашая мэта - 10000 эўра. Калі ласка, данацім ТОЛЬКІ на прыватны рахунак Аляксея, каб усё было дакладна сумленна і падсправаздачна грамадскасці, як было заўсёды.
    Працуем далей і разам!

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць