Грамадства2121

Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы

Апошнія трое сутак не фіксуюцца пралёты расійскіх ударных дронаў уздоўж беларуска-ўкраінскай мяжы, заўважыў «Флагшток».

Вышка сотавай сувязі, ілюстрацыйнае фота

У канцы вясны і пачатку лета 2026 года такія пралёты былі масавымі, частка беспілотнікаў трапляла на тэрыторыю Беларусі, рух БПЛА на нізкіх вышынях назіралі жыхары прыгранічных населеных пунктаў.

На дадзены момант апошні такі выпадак фіксаваўся раніцай у нядзелю 21 чэрвеня, калі Паветраныя сілы УСУ паведамлялі пра рух БПЛА на паўночным захадзе Чарнігаўскай вобласці ўздоўж мяжы з Беларуссю ў напрамку Славуціча.

Цікава, што прыкладна праз тры гадзіны адзін з расійскіх дронаў, паводле даных канала «Рында маніторыць», апынуўся на тэрыторыі Беларусі. Спачатку паведамлялася, што ён рухаўся ў раёне Турава Гомельскай вобласці, а затым знаходзіўся паблізу Давыд-Гарадка Брэсцкай вобласці.

Ці вылецеў ён назад на тэрыторыю Украіны, не ўдакладнялася. Дакладна невядома, ці быў гэта той самы БПЛА, які раней рухаўся ўздоўж мяжы на Гомельшчыне.

Пры гэтым усе наступныя дні Чарнігаўшчыну па-ранейшаму працягвалі атакаваць расійскія дроны, але іх накіроўвалі па іншых маршрутах, якія не закраналі ўкраінска-беларускі пагранічны ўчастак. Масіраваных паветраных атак Расіі ў гэтыя дні не было, таму карціна пакуль няпоўная і рабіць высновы яшчэ рана.

Прыклад маршруту расійскіх дронаў 23 чэрвеня. Схема: еРадар 

Маніторынгавы канал «еРадар» пацвердзіў «Флагштоку», што на бягучым тыдні расійскія беспілотнікі пакуль не праляталі ўздоўж мяжы, і звязаў гэта з магчымым спыненнем выкарыстання рэтранслятараў на тэрыторыі Беларусі, з дапамогай якіх РФ карэктуе атакі. Нагадаем, раней ва Украіне заяўлялі пра знішчэнне сеткі навядзення БПЛА з Беларусі.

Цяпер адключэнне рэтранслятараў стала галоўнай умовай ультыматуму Уладзіміра Зяленскага ў адрас Аляксандра Лукашэнкі. Тэрмін ультыматуму заканчваецца ў пятніцу.

Да гэтага маніторшчыкі і УС Украіны фіксавалі пастаянныя перамяшчэнні груп расійскіх БПЛА ўздоўж беларуска-ўкраінскай мяжы. Іх запускалі з Бранскай вобласці курсам на захад. Паветраная прастора Беларусі выкарыстоўвалася як прыкрыццё. БПЛА ляцяць калонай (ланцужком) паралельна мяжы, каб пазбегнуць ранняга выяўлення і прарвацца ўглыб заходніх або цэнтральных абласцей Украіны.

Каментары21

  • посмотрим
    24.06.2026
    Тут же вопрос в чём, либо разбить семейное серебро в виде семейных, военных заводов, семейных нпз и отправиться загорать на пляжи ОАЭ, сесть на наворованные заначки, без возможности их, глобального, использования, либо пропетлять, увеличить и приумножить наворованное с возможностью использования в любой точке мира, без танцев с бубнами.
    Как и для России, добить последние нпз (в Беларуси) на европейской территории, снабжающие её армию на фронтах Украины.
    Наверно и лучше, отключить ретрансляторы.
    Но, это с адекватными и нормальными людьми, и адекватными подходами, чего не было и нет в Кремле.
  • лорд Пераправы
    24.06.2026
    Што вам ат міня нада? Прасілі каробачкі выдзернуць з сеці, выдзірнулі.
    Дайце адпачыць перад бітвай з уражаем. 11 млн тон трэба перабіць.
  • Беларус
    24.06.2026
    Лукашенко понимает только язык силы.
    А Украине спасибо, что поставили на место этого изверга.
    Слава Украине, жыве Беларусь!

Цяпер чытаюць

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Усе навіны →
Усе навіны

Нямецкія футбольныя клубы пачалі абмяжоўваць смартфоны на стадыёнах

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

больш чытаных навін
больш лайканых навін

Ці пагражае Крыму блакада праз паралізаваны Крымскі мост?2

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць