Свет55

Рэшткі «Вагнера» на чале з сынам Прыгожына стварылі наркаімперыю ў ЦАР

Праз кантроль над гандлем «какаіну для бедных» яны ўтрымліваюць кантроль над ляснымі і залатымі рэсурсамі краіны.

Павел Прыгожын. Фота: сацсеткі

Рэшткі расійскай ПВК «Вагнер» стварылі ў Цэнтральнаафрыканскай Рэспубліцы (ЦАР) наркаімперыю, заснаваную на трамадоле. Гэта абязбольвальнае, якое ў высокіх дозах дзейнічае як моцны стымулятар, яго называюць «какаінам для бедных». Кіруе ўсім сын Прыгожына, расказвае The Wall Street Journal.

Рэкамендаваная доза трамадола — 50—100 мг, але ў ЦАР шырока прадаюцца таблеткі па 200 мг і вышэй.

Гэта абязбольвальнае ўжываюць шахцёры на залатых прыісках вагнераўцаў, каб працаваць доўгімі гадзінамі. Баевікі прымаюць высокія дозы перад боем, каб падавіць страх і павысіць агрэсію.

Пасля гібелі Прыгожына і паглынання большай часткі «Вагнера» расійскай дзяржавай, у вярхоўях ракі Убангі застаецца да 500 байцоў групы. Праз кантроль над гандлем трамадолам яны ўтрымліваюць кантроль над ляснымі і залатымі рэсурсамі краіны — паводле ацэнкі Global Initiative, даход ад нелегальнага экспарту золата складае $180 млн за год, плюс дадатковы даход ад кантрабанды наркотыку.

Зараз групу там узначальвае Павел Прыгожын, сын заснавальніка Вагнера.

Трамадол у асноўным вырабляецца ў Індыі, экспартуецца фірмам у Конга (афіцыйна як звычайныя дозы па 50 мг, але з прымешкай высокадозавых таблетак). Далей кантрабандысты перапакоўваюць яго і перапраўляюць з Кіншасы ў прыгранічны горад Зонга, а адтуль праз раку Убангі — у ЦАР, дзе ён свабодна прадаецца ў крамах Бангі. Цана на прэпарат вырасла ўтрая за апошні год.

Пры перапродажы ў Камерун партыя коштам $7000 можа прынесці да $21 000, хоць кантрабандыстам даводзіцца плаціць каля $4000 хабару вагнераўцам і саюзным узброеным групам.

У лютым мінулага года правагнераўскае апалчэнне забіла каля 130 фулані-жывёлагадоўцаў — самы смяротны напад на цывільных з сакавіка 2022 года.

Некалькі звязаных з «Вагнерам» груп («Sharks», «Black Russians») патрулююць Бангі, запалохваючы прыхільнікаў апазіцыі — у тым ліку перад мінулагоднімі прэзідэнцкімі выбарамі, якія трэцім разам выйграў прэзідэнт Туадэра.

Эксперты адзначаюць, што адносная ізаляванасць і малая стратэгічная значнасць ЦАР дазваляюць «Вагнеру» дзейнічаць амаль без увагі звонку — у адрозненне ад Малі ці Мазамбіка, дзе ёсць рэальныя пагрозы з боку груповак, звязаных з ІД.

Даследчыкі асцерагаюцца, што «Вагнер» можа ўзмацніць хаос у рэгіёне — асабліва ў Судане, дзе мяцежныя Сілы хуткага рэагавання (RSF) умацоўваюцца на поўдні і захадзе краіны, недалёка ад мяжы з ЦАР, і вагнераўцы ўжо заходзяць у Дарфур у каардынацыі з RSF.

Каментары5

  • Кажан
    12.07.2026
    зь імі сашка дамовіу́ся аб сяброу́стве
  • Имя
    12.07.2026
    От осинки не родятся апельсинки
  • Типок Вагнерок
    12.07.2026
    Не палите контору.

Цяпер чытаюць

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю21

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Усе навіны →
Усе навіны

Аналітыка Вольгу Харламаву асудзілі на 10 гадоў калоніі6

Беларусы масава бяруць ільготныя крэдыты пад 4%1

У інтэрнэце галасуюць за турыстычны лагатып Беларусі. Сярод лідараў праект былога палітвязня4

Дуа Ліпа ўжо носіць куртку, якую ўсе захочуць гэтай зімой11

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

Заплацілі, каб змерзнуць на стадыёне. Фанаты «Сэлтыка» сабралі 90 тысяч еўра за адну ноч1

Віцебскі вядучы, на якога данеслі за жарт на закрытым мерапрыемстве, расказаў, чым усё скончылася4

Севярынец: Ціханоўскі перайшоў чырвоную рысу. Не ганьбі мужчынаў і беларусаў. Вяртайся63

Былога супрацоўніка КДБ з польскім грамадзянствам асудзілі да 14 гадоў9

больш чытаных навін
больш лайканых навін

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю21

«Самы небяспечны — Пятрухін. А большасць — карысныя ідыёты». Адмін канала «Беларуская агентура» даў вялікае інтэрв'ю

Галоўнае
Усе навіны →

Заўвага:

 

 

 

 

Закрыць Паведаміць