Свет

У Манголіі ўвялі продаж паліва па цотных і няцотных нумарах аўтамабіляў. Краіне адгукаецца залежнасць ад Расіі

У Манголіі з 4 жніўня ўводзяцца абмежаванні на продаж паліва ў залежнасці ад цотнасці дзяржаўных нумарных знакаў аўтамабіляў. Такая мера будзе дзейнічаць да 15 жніўня.

Здымак ілюстрацыйны

Як паведаміў міністр прамысловасці і мінеральных рэсурсаў Манголіі Ганбалдын Дамдынням, падчас аднаго наведвання запраўкі можна будзе набыць паліва не больш чым на 50 тысяч тугрыкаў (каля 13,9 даляраў).

Абмежаванні будуць дзейнічаць з 4 па 15 жніўня. У цотныя даты заправіцца змогуць машыны з нумарамі, якія пачынаюцца на 0, 2, 4, 6 і 8, у няцотныя — на 1, 3, 5, 7 і 9.

Паводле слоў міністра, абмежаванні ўведзеныя для таго, каб больш раўнамерна размеркаваць наяўныя запасы нафтапрадуктаў паміж спажыўцамі.

Улады Манголіі адзначаюць, што краіна мела запасаў паліва прыкладна на месяц спажывання, але попыт на нафтапрадукты штогод павялічваецца ў сярэднім на 14%.

Каб у будучыні пазбегнуць падобных сітуацый, у краіне плануецца будаўніцтва 22 новых рэзервуараў і сховішчаў для нафтапрадуктаў. У 2026 годзе мангольскія ўлады хочуць стварыць дадатковыя магутнасці для захоўвання запасаў на 15 дзён спажывання, у 2027 годзе — на месяц, а да 2028 года — на тры месяцы. У далейшым плануецца давесці аб’ём рэзерваў да ўзроўню шасцімесячнага спажывання.

Акрамя таго, Манголія дамовілася з Паўднёвай Карэяй аб імпарце 20 тысяч тон дызельнага паліва, 20 тысяч тон аўтамабільнага бензіну і 6 тысяч тон авіяцыйнага паліва. Прыватныя кампаніі таксама працягваюць заключаць кантракты на пастаўкі нафтапрадуктаў.

Цяпер Манголія ў справе забеспячэння палівам надзвычай залежыць ад Расіі. Нягледзячы на тое, што ў краіны ёсць уласныя радовішчы нафты, краіна дагэтуль не мае ніякіх магутнасцяў для яе перапрацоўкі. У выніку здабытая нафта экспартуецца ў Кітай, а гатовыя прадукты імпартуюцца з Расіі. У апошняй набываецца каля 80—90% усіх светлых нафтапрадуктаў (бензін, дызельнае паліва, авіяцыйнае паліва, звадкаваны газ).

У выніку любыя затрымкі ці перабоі з пастаўкамі з боку Расіі, а таксама змены цэн на паліва адразу паралізуюць горназдабыўную галіну (якая спажывае велізарную колькасць дызелю), транспарт і сельскую гаспадарку.

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал3

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У пасажыра на станцыі метро знайшлі самаробны меч для гістарычных баёў. Цяпер яго будуць судзіць7

Z-блогер, які марыў забіць усіх украінцаў, загінуў сам12

Відэагульню, створаную беларусамі, намінавалі на прэмію The Game Awards

Алімпійскі чэмпіён Антон Кушнір стаў падзарабляць відэавіншаваннямі1

Прызналі «экстрэмісцкім» спартыўны чат «Волейбол в Минске»

Від на Каложскую царкву безнадзейна сапсаваны52

Папулярная крама ў Польшчы прызналася, што гандлявала няякаснымі прэзерватывамі4

Кіроўца маршруткі адмовіўся везці дзіця, якое не мела наяўных грошай. Ці меў ён рацыю?2

У Сенненскім раёне прадаюць з аўкцыёна старадаўнюю паштовую станцыю1

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал3

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць