Моды22

Парадокс: брыльянты патаннелі ўдвая, а пярсцёнкі даражэюць. Чаму?

Цэны на брыльянты на сусветным рынку абваліліся да гістарычнага мінімуму, страціўшы 50% кошту за некалькі гадоў. Аднак спажыўцы ў ювелірных крамах бачаць зусім іншую карціну: упрыгажэнні з брыльянтамі толькі даражэюць. Чаму?

Вялікі брыльянт у атачэнні меншых камянёў на пярсцёнку з плаціны і золата. Ілюстрацыйнае фота. Фота: Chinnachart Martmoh / Vecteezy

Яшчэ дзесяць гадоў таму аднакаратны дыямент каштаваў каля васьмі тысяч даляраў. У 2020 годзе яго цана знізілася да 5,5 тысячы, а сёння такі камень можна знайсці за 4 тысячы даляраў. Эксперты прагназуюць далейшае падзенне.

Адна з галоўных прычын — распаўсюджанне лабараторных алмазаў. Сучасныя тэхналогіі дазваляюць вырасціць алмаз за некалькі месяцаў. Па фізічных і хімічных уласцівасцях ён такі ж, як прыродны.

Пасля агранкі лабараторны алмаз становіцца брыльянтам, які на выгляд немагчыма адрозніць ад брыльянта з прыроднага алмазу. Нават дасведчанаму эксперту для вызначэння паходжання каменя патрэбнае спецыяльнае абсталяванне.

З 2020 года аптовыя цэны на брыльянты з лабараторных алмазаў знізіліся прыкладна на 74%. Калі тады карат каштаваў каля 3400 даляраў, то цяпер аднакаратны камень можна знайсці прыкладна за тысячу.

Чаму тады не таннеюць пярсцёнкі?

Здавалася б, падзенне кошту брыльянтаў павінна было прывесці да патаннення ўпрыгажэнняў. Але ў крамах адбываецца адваротнае: ювелірныя вырабы з брыльянтамі не толькі не патаннелі, але і падаражэлі, піша Rzeczpospolita.

Адна з прычын — інерцыя рынку. Як тлумачыць кіраўнік польскай ювелірнай кампаніі W.Kruk Лукаш Бернацкі, паміж закупам камянёў, вытворчасцю ўпрыгажэння і яго продажам праходзіць даволі шмат часу. Таму змены сусветных цэн даходзяць да кліента са спазненнем.

Але ёсць і больш істотная прычына. Патанненне брыльянтаў перакрываюць рост цэн на золата і падаражэнне працы.

У 2020 годзе унцыя золата каштавала прыкладна 1600—2000 даляраў, цяпер — каля 4300. У выніку чалавек, які купляе гатовае ўпрыгажэнне, падзення сусветных цэн на брыльянты фактычна не адчувае.

Не толькі ў золаце справа

Ёсць у гэтага рынку і яшчэ адна праблема — дэмаграфія. Маладыя пакаленні становяцца менш шматлікімі, а людзі радзей бяруць шлюб.

Адначасова слабее вядомая найперш у ЗША традыцыя, паводле якой мужчына павінен выдаткаваць на заручальны пярсцёнак некалькі месячных заробкаў. Гэтую норму ў свой час актыўна прасоўвала сама ювелірная індустрыя.

На фоне высокай колькасці разводаў усё менш будучых жаніхоў гатовыя на такія выдаткі. Лабараторныя брыльянты становяцца таннейшай альтэрнатывай натуральным.

Праўда, для інвестыцый такі камень пасуе горш. На другасным рынку брыльянты з лабараторных алмазаў рэзка губляюць у цане праз вялікую прапанову. Таму тым, хто разлічвае з часам перапрадаць упрыгажэнне, эксперты раяць выбіраць брыльянты з прыродных алмазаў.

Каментары2

  • таму і рассталіся
    09.09.2026
    "вядомая найперш у ЗША традыцыя, паводле якой мужчына павінен выдаткаваць на заручальны пярсцёнак некалькі месячных заробкаў."

    быўшы ціманоўскай столькі выдаткаваў?
  • Ну
    09.09.2026
    Божухна, колькі ж людзей яшчэ так і засталіся з гэтай старажытнай прагай да ўладання нейкімі бліскучымі атрыбутамі заможнасці. Верагодна, яны ім патрэбныя для падтрымання ўласнай самаацэнкі. Звычайнай унутранай упэўненасці ў тым, што ты чагосьці варты, ім яўна не хапае. Дык ці варты тады? ПС. А ювеліры не дурні, ведаюць, як гэта эксплуатаваць)

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць